ბრაზილიის ნაკრების მთავარმა მწვრთნელმა მანუ მენეზესმა არგენტინის (0:0) ნაკრებთან თავისი გუნდის თამაშზე ისაუბრა. შეხვედრა Roca Cup-ის ტურნირზე შედგა.შეგახსენებთ, რომ ამ მატჩებში მხოლოდ იმ ფეხბურთელებს იწვევენ, რომლებიც ბრაზილიის და არგენტინის კლუბებში ასპარეზობენ.
"არც იმედგაცრუებას განვიცდი და არც აღფრთოვანებული ვარ იმ მატჩით, რომელშიც ახალი ფეხბურთელები თამაშობენ. არ შეიძლება ითქვას, რომ პირველ ტაიმში საქმე გაგვიადვილდა.
მეორე ტაიმში უკეთ ვთამაშობდით და შეხვედრის მსვლელობას ვაკონტროლებდით. ვფიქრობ, გამარჯვებას ვიმსახურებდით, რადგან ბევრი სახიფათო მომენტი შევქმენით", - განაცხადა მენეზესმა.
მომზადებულია O Globo-ს მიხედვით
