"კორინთიანსი" "მანჩესტერ სიტის" არგენტინელი თავდამსხმელით კარლოს ტევესით ინტერესს კვლავ იჩენს. ამის შესახებ ბრაზილიური კლუბის სპორტულმა დირექტორმა ედუ გასპარმა განაცხადა: "ჩვენ ინგლისს ვესტუმრეთ, რათა "მანჩესტერ სიტისთან" ტევესის თაობაზე მოვილაპარაკოთ და შექმნილი ვითარება შევაფასოთ. არგენტინელ ფეხბურთელთან კონტრაქტის გაფორმება მომავალ ზაფხულს გვსურს.
წინა მოლაპარაკებებისას ინგლისელებს ტევესის სანაცვლოდ 40 მილიონი ევრო შევთავაზეთ, მაგრამ ამ თანხის ნაწილი უკვე დავხარჯეთ.
გვსურს ეს საკითხი პრეზიდენტთან წამოვჭრათ და გავარკვიოთ, შეგვიძლია თუ არა თავს ასეთი ტრანსფერის განხორციელების უფლება მივცეთ. არადა, გულშემატკივრებს ძალიან სურთ ტევესის ჩვენ გუნდში ხილვა", - განაცხადა
მომზადებულია Sky Sports-ის მიხედვით
