The Daily Mail-ის ცნობით, მექსიკური საფეხბურთო კლუბი "ტიხუანა" ინგლისის ნაკრების ყოფილ ფეხბურთელს დევიდ ბექჰემს თვეში ხელფასის სახით მილიონ ფუნტ სტერლინგს და პირად თვითმფრინავს სთავაზობს, მატჩებზე ჩამოსასვლელად.თუ ფეხბურთელი აღნიშნულ პირობებს დათანხმდება, მას სამხრეთამერიკულ ფეხბურთში ყველაზე მაღალი ხელფასი ექნება.
Soccerway-ს ინფორმაციით კი საუბარი მიდის მილიონ ევროზე. გარდა ამისა, მექსიკური კლუბი მზადაა ინგლისელს კალიფორნიაში სამ მილიონ ევროდ სახლიც უყიდოს.
ამჟამად 36 წლის ფეხბურთელი ამერიკულ კლუბ "ლოს-ანჯელეს გელაქსში" გამოდის. 20 ნოემბერს ის მლს-ის თასის ფინალში ითამაშებს, რის შემდეგაც ბექჰემს თავისუფალი აგენტის სტატუსი ენიჭება.
