ნეიმარმა ბარსელონას ფეხბურთელებს კოსმოსიდან მოფრენილი უცხოპლანეტელები უწოდა. სწორედ ასეთი შთაბეჭდილება ექმნება ბრაზილიელს "ბლაუგრანას" თამაშის ყურებისას."მსოფლიოს საკლუბო ჩემპიონატზე "ბარსელონასთან" შესაძლო შეხვედრას მოუთმენლად ველი. ამ გუნდის ფეხბურთელები აშკარად სხვა პლანეტიდან არიან. ეჭვგარეშეა, რომ "ბარსა" მსოფლიოს საუკეთესო კლუბია", - აღფრთოვანებულია "სანტოსის" ფორვარდი.
"მათ წინააღმდეგ თამაში ჩემთვის დიდი პატივია. "სანტოსი"-"ბარსელონას" ფინალი ამ ტურნირისთვის იდეალური იქნებოდა, მაგრამ ჯერ ფინალამდე მისვლაზე უნდა ვიზრუნოთ", - დასძენს ნეიმარი.
