მადრიდის "რეალის" ყოფილი თავდამსხმელი, ბრაზილიელი რონალდო მიიჩნევს, რომ მსოფლიოს საუკეთესო ფეხბურთელი ამჟამად "ბარსელონას" ფორვარდი ლიონელ მესია. თუმცა რონალდო დარწმუნებულია, რომ "სანტოსის" თავდამსხმელი ნეიმარი მომავალში არგენტინელს დაჩრდილავს, ოღონდ ერთი პირობით…
"ამ დროისთვის მესი ყველა დანარჩენ ფეხბურთელს სჯობს. ნეიმარს კი შეუძლია მომავალში საუკეთესო გახდეს. თუმცა ეს არ მოხდება, თუ ნეიმარი "სანტოსში" დარჩება.
საქმე ისაა, რომ ბრაზილიაში მოთამაშე ფეხბურთელები სათანადო დონეზე ვერ დგანან", - განაცხადა რონალდომ.
შეგახსენებთ, რომ მასმედიაში გავრცელებული ინფორმაციის მიხედვით, "ბარსელონამ" "სანტოსს" ნეიმარის ტრანსფერის საკომპენსაციო თანხის ნაწილი უკვე გადაუხადა.
