ბრაზილიის ნაკრების ყოფილი მთავარი მწვრთნელი დუნგა, რომლის მიმართ ინტერესს იტალიური კლუბები "ფიორენტინა" და "ლაციო" იჩენენ, მზადაა, სამწვრთნელო მოღვაწეობა განაახლოს."ამ დროისთვის ჩემს ოჯახთან ერთად პირად საკითხებს ვწყვეტ. მზად ვარ, სამუშაოს დავუბრუნდე, მაგრამ კლუბის არჩევაა საჭირო, რომელშიც ჩემი შესაძლებლობების განხორციელებას შევძლებ", - განაცხადა დუნგამ, რომელიც 1994 წელს ბრაზილიის ნაკრების კაპიტნის რანგში მსოფლიოს ჩემპიონი გახდა.
