არგენტინის ნაკრებისა და კატალონიის "ბარსელონას" ფორვარდმა ლიონელ მესიმ ბრაზილიის ეროვნულ გუნდთან მატჩში ჰეთ თრიქი შეასრულა. შეხვედრა არგენტინელთა გამარჯვებით ანგარიშით 4:3 დასრულდა.სამი ოქროს ბურთის მფლობელმა აღნიშნულ მატჩთან დაკავშირებით კომენტარი გააკეთა.
"ძალიან უცნაურია, რომ შეხვედრა ამ ანგარიშით დამთავრდა. ბრაზილიის ნაკრებთან ჩვენი მატჩები მუდამ ნაკლები ანგარიშით სრულდებოდა, ვიდრე ახლა.
თუმცა ეს ამხანაგური დაპირისპირება იყო, ამიტომ გუნდებმა უფრო გახსნილად ითამაშეს. ამ გამარჯვებამ ძალიან გაგვახარა, რადგან ბარზილიის ნაკრების დამარცხება ყოველთვის სასიამოვნოა", - თქვა მესიმ.
მომზადებულია Goal.com-ის მიხედვით
