პარაგვაი საოკეანეთოდ ემზადება

პარაგვაის ნაკრების მთავარმა მწვრთნელმა ხერარდო მარტინომ ავსტრალიისა და ახალი ზელანდიის ეროვნული გუნდების წინააღმდეგ ამხანაგურ მატჩებში სათამაშოდ 21 ფეხბურთელს უხმო. მსოფლიოს ჩემპიონატზე მეოთხედფინალში მომავალ ჩემპიონ ესპანეთის ნაკრებთან დამარცხებული გუნდის შემადგენლობაში "დორტმუნდის" თავდამსხმელი ლუკას ბარიოსი არ არის, ვინც მარტინომ კლუბს დაუთმო – დორტმუნდელებმა პარაგვაელთა დამრიგებელს ამის თაობაზე ოფიციალური თხოვნით მიმართეს.

პარაგვაის ნაკრების შემადგენლობა:

მეკარეები: ხუსტო ვილიარი ("ვალიადოლიდი", ესპანეთი), დიეგო ბარეტო ("სერო პორტენიო");

მცველები: კარლოს ბონეტი ("ლიბერტადი"), პაულო და სილვა ("სანდერლენდი", ინგლისი), კლაუდიო მორელი ("დეპორტივო", ესპანეთი), ანტოლინ ალკარასი ("უიგანი", ინგლისი), დარიო ვერონი ("პუმასი", მექსიკა), სესარ ბენიტესი ("სერო პორტენიო");

ნახევარმცველები: კრისტიან რივეროსი ("სანდერლენდი", ინგლისი), ენრიკე ვერა ("ატლასი", მექსიკა), ოსვალდო მარტინესი ("მონტერეი", მექსიკა), ოსმარ მოლინასი, დერლის ორუე (ორივე - "ოლიმპია"), ვიქტორ კასერესი ("ლიბერტადი"), კელსო ორტისი (აზ, ჰოლანდია), ნესტორ კამაჩო ("რუბიო ნუ"), ერნან პერესი ("ვილიარეალი", ესპანეთი);

თავდამსხმელები: ედგარ ბენიტესი ("პაჩუკა", მექსიკა), როკე სანტა კრუსი ("მანჩესტერ სიტი", ინგლისი), ოსკარ კარდოსო ("ბენფიკა", პორტუგალია), ნელსონ ვალდესი ("ერკულესი", ესპანეთი).