მურისი რამალიოს გუნდს ჩემპიონობის მოსაპოვებლად შინ "გუარანის" დამარცხება სჭირდებოდა, რომელიც უკვე კარგა ხანია გავარდა სერია B-ში. მასპინძლები პირველი ტაიმის მსვლელობისას განსაკუთრებით არ აქტიურობდნენ და მშვიდად აგორებდნენ ბურთს მეტოქის ნახევარზე. მით უმეტეს, რომ პარალელურად მიმდინარე მატჩიდან მოვიდა შეტყობინება - "ფლუმინენსეს" მთავარმა კონკურენტმა "კორინთიანსმა" მოულოდნელად გოლი გაუშვა "გოიაშისგან". თუმცა მან მალე აღადგინა თანაფარდობა, ხოლო "ფლუმ" პირველი გოლი მხოლოდ მეორე ტაიმში გაიტანა. ამ გუნდის კაპიტანმა ფრედმა ვერ გამოიყენა რამდენიმე მომენტი, სამაგიეროდ, თავი გამოიჩინა ემერსონმა, რომელმაც ფლანგიდან ჩაწოდებული ბურთი ახლო მანძილიდან შეაგდო კარში.
ანგარიში
"ფლუმინენსე" ისტორიაში მეორედ და 1984 წლის შემდეგ კი პირველად გახდა ჩემპიონი. მურისი რამალიომ კიდევ ერთი გუნდი მიიყვანა ქვეყნის ჩემპიონის ტიტულამდე. ყველას ახსოვს მისი ფანტასტიკური სერია "სან პაულუში" მუშაობისას, როცა ეს გუნდი ზედიზედ სამჯერ გახდა ბრაზილიის ჩემპიონი.
"კორინთიანსი" მესამე ადგილამდე ჩამოქვეითდა, კოპა ლიბერტადორესის ბოლო მონაწილე კი "გრემიო" გახდა, რომელმაც საკუთარ მოედანზე 3:0 გაანადგურა პირდაპირი კონკურენტი - "ბოტაფოგო". რაც შეეხება ლიგაში ადგილის შესანარჩუნებელ ბრძოლას, აქ "გრემიო პრუდენტესთან", "გოიაშთან" და "გუარანისთან" ერთად ქვედა ლიგაში გაემგზავრა "ვიტორია", რომელმაც ვერ შეძლო უშუალო კონკურენტის "ატლეტიკო გოიანენსეს" დამარცხება.
მაშ ასე, კოპა ლიბერტადორესზე ბრაზილიას ექვსი წარმომადგენელი ეყოლება: "ფლუმინენსე", "კრუზეირო", "კორინთიანსი", "გრემიო", "სანტოსი" (ბრაზილიის თასის მფლობელი) და "ინტერნასიონალი" (ლიბერტადორესის თასის მოქმედი მფლობელი).
ატ. პარანაენსე-ავაი 1:0
გოლი: 1:0 პაულო ბაიერი (6)
კრუზეირო-პალმეირასი 2:1
გოლები: 0:1 რივალდო (54), 1:1 ენრიკე (63), 2:1 ვალისონი (90+1)
ფლუმინენსე-გუარანი 1:0
გოლი: 1:0 ემერსონი (62)
გოიაში-კორინთიანსი 1:1
გოლები: 1:0 ფელიპე ამორიმი (19), 1:1 დენტინიო (28)
გრემიო-ბოტაფოგო 3:0
გოლები: 1:0 ანდრე ლიმა (21), 2:0 ჟონასი (39), 3:0 დუგლასი (52)
სანტოსი-ფლამენგო 0:0
სან პაულუ-ატ. მინეირო 4:0
გოლები: 1:0 ილსინიო (27), 2:0 ლუკას სილვა (30), 3:0 მარლოსი (42), 4:0 რენატო სილვა (48)
ვასკო და გამა-სეარა 2:0
გოლები: 1:0 დედე (32), 2:0 ერიველტონი (46-საკ. კარში).
ვიტორია-ატ. გოიანიენშე 0:0
თ მ ფ წ ბ ქ
1. ფლუმინენსე 38 20 11 7 62-36 71
2. კუზეირო 38 20 9 9 53-38 69
3. კორინთიანსი 38 19 11 8 65-41 68
4. გრემიო 38 17 12 9 68-43 63
5. ატ. პარანაენსე 38 17 9 12 43-45 60
6. ბოტაფოგო 38 14 17 7 54-42 59
7. ინტერნასიონ 38 16 10 12 48-41 58
8. სანტოსი 38 15 11 12 63-50 56
9. სან პაულუ 38 15 10 13 54-54 55
10. პალმეირასი 38 12 14 12 42-43 50
11. ვასკო და გამა 38 11 16 11 43-45 49
12. სეარა 38 10 17 11 35-44 47
13. ატ. მინეირო 38 13 6 19 52-64 45
14. ფლამენგო 38 9 17 12 41-44 44
15. ავაი 38 11 10 17 49-58 43
16. ატ. გოიანენსე 38 11 9 18 51-57 42
17. ვიტორია 38 9 15 14 42-48 42
18. გუარანი 38 8 13 17 33-53 37
19. გოიაში 38 8 9 21 41-68 33
20. გრემიო პრ 38 7 10 21 39-64 28
ბომბარდირები: 23 - ჟონასი (გრემიო); 17 - ნეიმარი (სანტოსი); 14 - ბრუნო სესარი (კორინთიანსი); 12 - ობინა (ატ. მინეირო), ელიაში (ატ. გოიანენსე); 11 - აბრეუ (ბოტაფოგო), ანდრე ლიმა (გრემიო).
* * *
წინა მიმოხილვისას ვწერდით ბრაზილიის ნაკრების ყოფილი ნახევარმცველის ელანოს შესახებ, რომელმაც "გალათასარაის" დატოვება და სამშობლოში დაბრუნება გადაწყვიტა. ტრანსფერი შედგა და ელანო 2.9 მილიონ ევროდ "სანტოსის" მოთამაშე გახდა.
"გალათასარაი" მოელაპარაკა "სანტოსს" ელანოს გაყიდვის თაობაზე. გარიგების თანხაა - 2.9 მილიონი ევრო. მადლობას ვუხდით ელანოს ჩვენი გუნდის განვითარებისთვის და მომავალ კარიერაში წარმატებას ვუსურვებთ", - წერია "გალათასარაის" ოფიციალურ განცხადებაში.
* * *
სავარაუდოდ, სულ მალე განხორციელდება ტრანსფერი საპირისპირო მიმართულებით (ბრაზილია-ევროპა). კერძოდ, მადრიდის "ატლეტიკო" პრაქტიკულად მოელაპარაკა "კორინთიანსს" ნახევარმცველ ელიაშის შეძენაზე.
გასულ კვირას "კორინთიანსის" ბოსი "ბენფიკას" პრეზიდენტ ლუის ფელიპე ვიერას შეხვდა, მაგრამ მხარეებმა ვერ მოილაპარაკეს ელიაშის სატრანსფერო ღირებულებაზე. ასე რომ, "ატლეტიკომ", რომელმაც ორჯერ სცადა ამ ფეხბურთელის გადაბირება, ბოლო კონკურენტი ჩამოიშორა და სულ მალე გაიფორმებს ბრაზილელს.
ვარაუდობენ, რომ 25 წლის ნახევარმცველის (სამი მატჩი ბრაზილიის ნაკრებში) ტრანსფერის თანხა შვიდი მილიონი ევრო იქნება.
