ყველაზე შედეგიანმა მეკარემ ფეხბურთის ისტორიაში როჟერიო სენიმ კარიერაში 95-ე გოლი გაიტანა. 4 თებერვლის ღამეს ბრაზილიელმა, რომელიც "სან პაოლოში" გამოდის, სან პაულუს შტატის ჩემპიონატში "ლინენსეს" გაუტანა. 85-ე წუთზე გოლკიპერმა საჯარიმო დარტყმით გაიტანა გოლი, რომელმაც "სან პაოლოს" გამარჯვება მოუტანა (3:2).ზოგიერთი სტატისტიკოსი მიიჩნევს, რომ ეს გოლი მეკარისთვის 97-ეა. თუმცა ფეხბურთის ისტორიის და სტატისტიკის საერთაშორისო ფედერაციის (IFFHS) საიტზე საუკეთესო მეკარე-ბომბარდირების სიაში მითითებულია, რომ 2010 წლის 31 დეკემბრისთვის სენის 93 გოლი ქონდა გატანილი. "ლინენსეს" კარში გატანილი გოლი 2011 წელს მისთვის მეორეა.
აღსანიშნავია ისიც, რომ
შტატის ჩემპიონატში "სან პაოლო" მესამე-მეოთხე ადგილებს იყოფს "ამერიკანასთან" ორივე გუნდს ექვსი თამაშის შემდეგ 12 ქულა აქვს. პირველ ადგილზე მყოფ "პალმეირასს" "სან პაოლო" ოთხი ქულით ჩამორჩება.
მომზადებულია Terra Brasil-ის მიხედვით
.
