სკანდალური და „ხმაურიანი“ გამოდგა რუსული პრემიერლიგის განვლილი ტური: სამსაჯო შეცდომები კიდევ არაფერია იმასთან შედარებით, რაც „ვოლგასა“ და „ზენიტის“ შეხვედრისას მოხდა. მოგეხსენებათ, რომ რუსული პრემიერლიგის ყველაზე „ქართულ გუნდს“ ამ მატჩში ახალი მწვრთნელი, დიმიტრი ჩერიშევი მოძღვრავდა, რომელმაც ამ პოსტზე ომარ თეთრაძე შეცვალა. ამ წყვილში ფავორიტი, რაღა თქმა უნდა, ლუჩანო სპალეტის „ზენიტი“ იყო და რუსეთის ნაკრების ფორვარდის, 28 წლის ალექსანდრ კერჟაკოვის „დუბლით“ ქვეყნის ჩემპიონმა „დაგეგმილი“ გამარჯვება მოიპოვა.
ეს შედეგი მოულოდნელი არავისთვის ყოფილა, აი, ტრიბუნებზე მომხდარი არეულობა კი, ალბათ, დიდხანს იქნება განსჯის საგანი: ნიჟნი
„ვოლგასა“ და „ზენიტის“ ამ სკანდალურმა მატჩმა ტურის სხვა მოვლენები „დაჩრდილა“, არადა, ჩერიშევის გარდა კიდევ ორ მწვრთნელს ჰქონდა დებიუტი უმაღლეს ლიგაში. „ტერეკიდან“ გაშვებული რუუდ გულიტი დროებით ადგილობრივმა სპეციალისტმა ისა ბაიტიევმა შეცვალა და სადებიუტო მატჩში წარმატებასაც მიაღწია.
აი, ნალჩიკის „სპარტაკს“ კი არც მწვრთნელის შეცვლამ უშველა: ვლადიმერ ეშტრეკოვის ნაცვლად გუნდი სერგეი ტაშუევს ჩააბარეს, მაგრამ ჩემპიონატის აუტსაიდერი ერთპიროვნულ ლიდერთან ცსკა-სთან ორბურთიანი სხვაობით დამარცხდა. „სპარტაკი“ ამ მატჩში, სულ მცირე, ფრეს მაინც იმსახურებდა: მეტოქეზე მეტი საგოლე მომენტიც შექმნა, ბურთის ფლობის მხრივაც უპირატესობა ჰქონდა, მაგრამ ფავორიტმა მეტოქემ კლასისა და... მსაჯის დახმარებით გაიმარჯვა. 23 წლის კოტდივუარელმა სეიდუ დუმბიამ თავისი გუნდის პირველივე შეტევა გოლით დაასრულა, მეორე ტაიმში კი შეხვედრის არბიტრმა მასპინძელთა კარში საეჭვოზე-საეჭვო პენალტი დანიშნა, რომელიც, ტრადიციულად, ზუსტად გამოიყენა 31 წლის სერგეი იგნაშევიჩმა. მასპინძელთა შორის ერთ-ერთი გამორჩეული 29 წლის დავით სირაძე გახლდათ, მაგრამ, როგორც უკვე აღვნიშნეთ, მისი პარტნიორები დამაგვირგვინებელ ფაზაში მოიკოჭლებდნენ.
თანდათან თმობს პოზიციებს მახაჩყალის „ანჟი“: გაჯი გაჯიევის გუნდმა მხოლოდ ქულის მოპოვება შეძლო „ამკართან“ შეხვედრაში; თუმცა, ჩვენთვის სასიხარულო უნდა იყოს ის ფაქტი, რომ მშრალად შეინახა საკუთარი კარი 24 წლის ნუკრი რევიშვილმა. ბურთების სხვაობით „ანჟის“ უკვე მოსკოვის „დინამოც“ უსწრებს: დროებითი მწვრთნელის, სერგეი სილკინის ხელმძღვანელობით მოასპარეზე გუნდმა პირველ ტაიმშივე გადაწყვიტა მატჩის ბედი. მასპინძელთა გასახარად, როგორც იქნა, გოლის გატანაც შეძლო გუნდის ერთ-ერთმა ყველაზე ცნობადმა სახემ, 29 წლის კევინ კურანიმ. თუმცა, ამ მატჩის საუკეთესო მოთამაშე, დინამოელთა კაპიტანი, 31 წლის ანდრეი ვორონინი გახლდათ, სამივე გოლში აქტიური მონაწილეობა რომ მიიღო.
დაბოლოს, მოსკოვურ „დერბიზეც“ - „სპარტაკმა“ პირველი ტაიმის მიწურულს ორი გოლი გაუტანა „ლოკომოტივს“ და რუსების „სახალხო გუნდმაც“ სატურნირო მდგომარეობა ოდნავ გაიუმჯობესა. ამ შეხვედრის ერთ-ერთი გამორჩეული მოთამაშე 18 წლის ჯანო ანანიძე იყო - ჩვენებურმა ეფექტური გოლიც გაიტანა და მეორე ტაიმში მართლაც ზღაპრული პასით თანაგუნდელი ველიტონი მეტოქის მეკარესთან პირისპირ გაიყვანა, მაგრამ 24 წლის ბრაზილიელმა უაღრესად ხელსაყრელი მომენტით ვერ ისარგებლა.
როსტოვი-რუბინი 1:3
გოლები: 0:1 ლებედენკო (14), 1:1 კირიჩენკო (50, პენალტით), 1:2 რიაზანცევი (82), 1:3 კისლიაკი (90)
ყუბანი-კრასნოდარი 0:1
გოლი: 0:1 დრინჩიჩი 67)
58-ე წუთზე ტრაორემ („ყუბანი“) ვერ გამოიყენა პენალტი
გაძევება: ტუბიჩი (56, კროსნოდარი), არმაში (88, ყუბანი)
ვოლგა-ზენიტი 0:2
გოლები: 0:1, 0:2, ა. კერჟაკოვი (9, 19)
სპარტაკი (ნალჩიკი)-ცსკა 0:2
გოლები: 0:1 დუმბია (19), 0:2 იგნაშევიჩი (65, პენალტით)
ლოკომოტივი-სპარტაკი (მოსკოვი) 0:2
გოლები: 0:1 ანანიძე (44), 0:2 როდრიგესი (45)
გაძევება: გილერმე (58, „ლოკომოტივი“)
ტერეკი-კრილია სოვეტოვი 2:0
გოლები: 1:0 პავლენკო (28), 2:0 ალსიდაროვი (56), პენალტით)
დინამო-ტომი 3:0
გოლები: 1:0 სამედოვი (27), 2:0 კურანი (38), 3:0 კოკორინი (44)
ამკარი-ანჟი 0:0
მომდევნო ტური, 22 ივნისი
ცსკა-ლოკომოტივი
ზენიტი-ყუბანი
კრასნოდარი-ტერეკი
კრილია სოვეტოვი-ანჟი
რუბინი-ვოლგა
სპარტაკი (მ)-დინამო
ტომი-როსტოვი
ამკარი-სპარტაკი (ნ)
ყოველდღიური სპორტული გაზეთი
"ლელო"
