სერბეთის ნაკრების მთავარმა მწვრთნელმა სინიშა მიხაილოვიჩმა, რომელიც შვეიცარიაში შეკრებას ატარებს, გუნდიდან "ფიორენტინას" ნახევარმცველი ადემ ლიაიჩი გარიცხა. ამის მიზეზი ესპანეთის ნაკრებთან ამხანაგური მატჩის წინ თავისი ქვეყნის ჰიმნის შესრულებაზე უარის თქმა გახდა.
ესპანეთთან მატჩის შემდეგ მიხაილოვიჩი ლიაიჩს შეხვდა, რომელმაც ჰიმნის სიმღერაზე უარის თქმა პირადი მიზეზებით ახსნა (ლიაიჩი ეთნიკური ბოსნიელია). ფეხბურთელმა განაცხადა, რომ ჰიმნს არც მომავალში იმღერებს, რის შემდეგაც მიხაილოვიჩმა ლიაიჩს ნაკრების დატოვების უფლება მისცა.
სერბეთის ფეხბურთის ფედერაციის მიმართვაში ნათქვამია, რომ თუ ლიაიჩი მომავალში ჰიმნის შესრულებას დათანხმდება, შეუძლია ნაკრებში გამოძახების იმედი ჰქონდეს.
ეს
ასევე იხილეთ
"ფიორენტინას" მთავარმა მწვრთნელმა ფეხბურთელი სცემა
