კიევის „დინამოს“ ხელმძღვანელებმა გუნდის მთავარ მწვრთნელად უკრაინული ფეხბურთის ცოცხალი ლეგენდა ოლეგ ბლოხინი დანიშნეს, რომელმაც რამდენიმე დღის წინ გათავისუფლებული იური სიომინი შეცვალა. საინტერესო ის არის, რომ ბლოხინი უკრაინის ნაკრების თავკაციცაა...ევროპის 1975 წლის საუკეთესო ფეხბურთელად აღიარებული ბლოხინი, რომელმაც 1969-დან 1988 წლამდე „დინამოს“ ფორმით 433 მატჩში 211 გოლი გაიტანა, უკრაინის ნაკრების თავკაცის პოსტზე მინიმუმ მომდევნო ორ ოფიციალურ მატჩშიც იქნება; მერე კი, შესაძლოა, მუშაობა მხოლოდ კიევურ კლუბში გააგრძელოს.
59 წლის ოლეგმა 2011 წელს ნაკრები მეორედ ჩაიბარა. მანამდე მის ხელში უკრაინელებმა 2006 წლის მუნდიალზე
„დინამოს“ შეფებმა ბლოხინის წინამორბედი სიომინი უკრაინის თასზე „შახტართან“ განცდილი მარცხის შემდეგ გაათავისუფლეს, რითაც კიევში ამ უკანასკნელის რიგით მეორე ერა დასრულდა - სიომინი „დინამოს“ 2007-დან 2009 წლამდეც წვრთნიდა.
შეგახსენებთ, რომ სიომინი საფეხბურთო სამყარომ მოსკოვის „ლოკომოტივიდან“ გაიცნო, სადაც თითქმის 20 წელი (1986-2005) იმუშავა და „ლოკომოტივი“ რუსულ გრანდად ჩამოაყალიბა (ორჯერ გააჩემპიონა და ოთხჯერ თასი მოაგებინა).
2009 წელს კიევიდან წასულმა სიომინმა კვლავ „ლოკომოტივს“ მიაშურა, მაგრამ მოსკოვურ კლუბში ვეღარაფერს მიაღწია. იმავე წელს იური კიევში დაბრუნდა, მაგრამ ბოლო ორ სეზონში „დინამომ“ „შახტარის“ ჰეგემონია ვერ დაამხო...
სიომინს ამჯერად ვერც იმ ფაქტმა უშველა, რომ კიეველებმა ჩემპიონთა ლიგის ჯგუფურ ეტაპზე შეაღწიეს, საკვალიფიკაციო ეტაპზე კი ჯერ როტერდამის „ფეიენოორდი“, მერე კი ბუნდესლიგის მეოთხეადგილოსანი „გლადბახი“ დაიფრინეს.
მიზეზი, რა თქმა უნდა, ისიცაა, რომ „დინამო“ ჩემპიონთა ლიგის პირველ ტურში ფრანგულ პსჟ-სთან 1:4 განადგურდა, რასაც „შახტართან“ ასეთივე ანგარიშით წაგებაც დაემატა და ხელმძღვანელებსაც მოთმინების ფიალა აევსოთ...
3 ოქტომბერს კიეველები ჩემპიონთა ლიგის მეორე ტურში ზაგრების „დინამოს“ მასპინძლობენ...
ყოველდღიური სპორტული გაზეთი "ლელო"
