თეთრი ბარათის იდეა, რომლითაც არბიტრი მოთამაშეს მოედნიდან მხოლოდ გარკვეული დროით გააძევებს, პლატინიმ ოქტომბერში გამოცემულ თავის წიგნში "მოდით, ვისაუბროთ ფეხბურთზე" წამოაყენა.
"თეთრი ბარათი ახალი ინიციატივაა, რომლითაც ფეხბურთელის მოედანზე უწესოდ ქცევისთვის დასჯიან. ვთქვათ, სიმულაციის, მსაჯთან გაუთავებელი კამათისას - ეს ყველაფერი ხომ არ მოსწონს იმ ხალხს, ვისაც ფეხბურთი უყვარს. ასეთ დროს მოთამაშე 5 ან 10 წუთით სათადარიგოთა სკამზე აღმოჩნდება.
ვფიქრობ,
კვლავაც უნდა იარსებოს ყვითელმა ბარათმა, თუმცა საინტერესო იქნებოდა კიდევ ერთი ახალი ბარათის შემოღება", - თქვა პლატინიმ დუბაიში გამართულ საერთაშორისო სპორტულ კონფერენციაზე.
მომზადებულია Goal.com-ის მიხედვით