ფეხბურთის საერთაშორისო ფედერაციამ ჟიულ რიმეს თასის ნაწილი იპოვა. ეს პრიზი 1970 წლამდე გადაეცემოდა ფეხბურთში მსოფლიოს ჩემპიონს, მაგრამ გასული საუკუნის 80-იან წლებში მოიპარეს და სავარაუდოდ, მძარცველებმა ის გადაადნეს.ციურიხში, ფიფას შტაბ-ბინის საწყობში აღმოაჩინეს თასის სადგამი.
"ეს მოვლენა უთანაბრდება ეგვიპტური მუმიის აღმოჩენას", - განაცხადა ფედერაციის მუზეუმის კრეატიულმა დირექტორმა დავიდ ოსეიმ. მისი სიტყვებით, ეს სადგამი ციურიხში ფიფას მუზეუმის ექსპონატი გახდება. მუზეუმის გახსნა 2016 წლის მარტში იგეგმება.
10-სანტიმეტრიან სადგამზე ამოტვიფრულია იმ ქვეყნების სახელები, რომლებმაც მოიგეს მსოფლიოს პირველი ოთხი ჩემპიონატი - ურუგვაი (1930, 1950) და
ჟიულ რიმეს თასის ორიგინალური ვერსია 1970 წელს სამუდამოდ გადაეცა ბრაზილიის ნაკრებს, როგორც მსოფლიოს სამგზის ჩემპიონს. 1983 წელს თასი რიო-დე-ჟანეიროში გამოფენისას მოიპარეს. დღემდე ამ პრიზის ბედის შესახებ ზუსტი ინფორმაცია არ არსებობს.
ყოველდღიური სპორტული გაზეთი "ლელო"
