მოგეხსენებათ, ლონდონის "ჩელსის" თავკაცი ჟოზე მოურინიო კიევში უკრაინა-ესპანეთის ევრო 2016-ის შესარჩევ მატჩს დაესწრო, რამაც დიდი მითქმა-მოთქმა გამოიწვია - რა უნდოდა "განსაკუთრებულს" ცხრა მთას იქით, როცა ლონდონში პრობლემები დაუხვავდა...ბოლო ვერსია, რომელსაც ამჯერად ესპანური მედია ავრცელებს, ისაა, რომ ჟოზე მოურინიო "სამეფო კლუბის" ნახევარმცველ ისკო ალარკონით არის დაინტერესებული და მალე "ჩელსი" არაოფიციალური წინადადებით მიმართავს კიდეც მადრიდის "რეალს", რომ გაარკვიოს, რამდენად რეალურია ისკოს შეძენა და რამდენი დაჯდება ეს სიამოვნება.
ამბობენ, რომ "სამეფო გუნდი", შესაბამისი კომპენსაციის გადახდის შემთხვევაში, მისი გაშვების წინააღმდეგი არ იქნება.
უფრო
იარმოლენკოს უკრაინამ ბოლომდე იბრძოლა, ცუდად არ უთამაშია და მომენტებიც ჰქონდა, მაგრამ დავიდ დე ხეას ვერაფერი მოუხერხა და საბოლოოდ, მაინც წააგო. ახლა უკრაინელებს პლეი ოფში მოუწევთ ევრო 2016-ზე მოსახვედრად ბრძოლა. თავად იარმოლენკომ კი, წესით, კიევის "დინამო" უკვე იანვარში უნდა დატოვოს, მისი ტრანსფერი ისედაც ძალიან გადაიდო.
ყოველდღიური სპორტული გაზეთი "ლელო"
![მოურინიოს მდიდრული ცხოვრება სტამბულში - მინიმუმ 1000 ფუნტი დღეში, "დონერ ქებაბი" და რა საკვები შედის პორტუგალიელის ყოველდღიურ მენიუში [PHOTOS]](/pictures/image7/480b51054f1680b7a8882ee94e27a592.jpeg "მოურინიოს მდიდრული ცხოვრება სტამბულში - მინიმუმ 1000 ფუნტი დღეში, \"დონერ ქებაბი\" და რა საკვები შედის პორტუგალიელის ყოველდღიურ მენიუში [PHOTOS]")
