მადრიდის "რეალისა" და ესპანეთის ნაკრების ყოფილმა ფეხბურთელმა რაულ გონსალეს ბლანკომ მისი ახლანდელი კლუბის, "ნიუ იორკ კოსმოსის" ხელმძღვანელობას განუცხადა, რომ ნოემბერში პროფესიულ კარიერას დაასრულებს. მართალია, ჯერ ეს გადაწყვეტილება საბოლოო არ არის, მაგრამ 38 წლის ფორვარდს უკვე ძალიან უჭირს ჩვეულ რეჟიმში ვარჯიში და თამაში, ძალების დაზოგვით კი მას საქმის კეთება არასოდეს უყვარდა.
ამის გარდა, რაულს სურს, რაც შეიძლება მეტი დრო გაატაროს თავის ოჯახთან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
