გერმანიის პროკურატურამ გამოთქვა მზადყოფნა, გამოიკვლიოს მედიაში გავრცელებული ხმები იმის შესახებ, თითქოს გერმანიამ მსოფლიოს 2006 წლის ჩემპიონატის მასპინძლობის უფლება ფიფას ჩინოვნიკების მოსყიდვით მოიპოვა. გამოცემა Spiegel-მა გაავრცელა ცნობა, რომ მუნდიალი 2006-ის მასპინძლის არჩევნების დროს საკონკურსო კომისიამ საიდუმლო ფონდი შექმნა, 10,3 მლნ შვეიცარიული ფრანკით (დაახლოებით 6 მლნ აშშ დოლარი). გამოცემის თანახმად, ეს თანხა არჩევნებზე ოთხი ხმის მოპოვებას მოხმარდა.
"აქ შესაძლოა საქმე კორუფციასთან, თაღლითობასა და თანამდებობის ბოროტად გამოყენებასთან გვქონდეს. ჩვენთვის ხელმისაწვდომ ყველა დოკუმენტს გავეცნობით, თუმცა ჩვენ ჯერ გზის დასაწყისში ვართ და გამოძიება არ დაგვიწყია.
