2015 წლის ბომბარდირები: ისევ რონალდო და მესი...

ვინ არის 2015 წლის საუკეთესო ბომბარდირი? შეიძლება პორტუგალიელ გენიოსს საუკეთესო სეზონი არ ჰქონდა, მაგრამ ეს დავა მაინც მან მოიგო. დღევანდელ ჩვენს წერილში 2015 წლის 20 საუკეთესო მეგოლეზე ვისაუბრებთ.

1. კრიშტიანო რონალდო (რეალი) - 57 მატჩი, 57 გოლი
კრიშტიანო რონალდოს ამ წელს კრიტიკა არ მოჰკლებია. ამის მიუხედავად, მან მაინც მოახერხა 57 გოლის გატანა. ესპანეთის ჩემპიონატში პორტუგალიელმა 37 გოლი შეაგდო, ესპანეთის თასზე - 1. რონალდომ ევროთასებზე 16-ჯერ გამოიჩინა თავი, ხოლო პორტუგალიის ნაკრებს კი 3 ბურთი შეაშველა.

2. ლიონელ მესი (ბარსელონა) - 61

მატჩი, 52 გოლი
ლეო მესიმ ესპანეთის ჩემპიონატში 34 გოლი გაიტანა. ესპანეთის თასზე ექვსჯერ შეაგდო. ევროთასებზე 8 ბურთი გაიტანა, ნაკრებში კი - 4. მესის შედეგი უკეთესი იქნებოდა, რომ არა ტრავმები. რა თქმა უნდა, იგივე ითქმის რონალდოზეც.

3. ლუის სუარესი (ბარსელონა) - 57 მატჩი, 48 გოლი
ესპანეთის ჩემპიონატში ურუგვაელმა სუპერფორვარდმა ლუის სუარესმა 30 გოლი გაიტანა. თასის გათამაშებაში მის ანგარიშზე 2 ბურთია. ევროთასებზე სუარესის მონაგარმა 16 საგოლე დარტყმა შეადგინა. ცნობილი მიზეზის გამო ურუგვაის ეროვნულ ნაკრებში თავი არ გამოუჩენია.

4. რობერტ ლევანდოვსკი (ბაიერნი) - 57 მატჩი, 47 გოლი
ბუნდესლიგაში პოლონელი ფორვარდი რობერტ ლევანდოვსკი დიდებული იყო - მან მოწინააღმდეგეთა კარი 25-ჯერ აიღო. გერმანიის თასზე 2 გოლი გაიტანა, ხოლო ევროთასებზე კი - 16. ლევანდოვსკის არნახულმა თამაშმა მნიშვნელოვნად განაპირობა პოლონეთის ნაკრების წარმატება ევროპის ჩემპიონატის შესარჩევ ციკლში. რობერტმა მშობლიურ ნაკრებს 9 გოლი შეაწია.

5. ზლატან იბრაჰიმოვიჩი (პარი სენ ჟერმენი) - 54 მატჩი, 46 გოლი
ზლატან იბრაჰიმოვიჩს ხშირად ასვენებდა ტრავმა. არცთუ იშვიათად, ის თავისი ნებით ისვენებდა. ამის მიუხედავად, შვედეთის ნაკრების ლიდერს შესანიშნავი სტატისტიკა აქვს. "პარი სენ-ჟერმენში" მან 26 ბურთი საფრანგეთის ჩემპიონატში გაიტანა, 7 თასზე და 2 ევროთასებზე. განსაკუთრებით კარგი იყო ნაკრებში, სადაც თავი 11 შემთხვევაში გამოიჩინა. პირადად გაიყვანა შვედეთი წლეულს საფრანგეთში გასამართ ევროფორუმზე.

6. პიერ-ემერიკ ობამეიანგი (დორტმუნდი) - 57 მატჩი, 46 გოლი
გაბონის ეროვნული ნაკრების ლიდერი პიერ-ემერიკ ობამეიანგი პოსტკლოპისეული "დორტმუნდის" გამოკვეთილი პრიმაა. აფრიკელმა ბუნდესლიგაში 29 გოლი გაიტანა. გერმანიის თასზე ხუთჯერ გამოიჩინა თავი. ევროთასებზე 7 გოლი შეაგდო. გაბონის ნაკრებში კი ქომაგი ხუთ შემთხვევაში გაახარა.

7. ნეიმარი (ბარსელონა) - 65 მატჩი, 42 გოლი
ესპანურ პრიმერაში ნეიმარის ანგარიშზე 25 გოლია. თასზე მან შვიდი გოლი გაიტანა. დავამატოთ ამას ევროთასებზე შეგდებული 9 ბურთი. 2015 წელს ნეიმარის გარეშე ბრაზილიის ნაკრების წარმოდგენა შეუძლებელი იყო. მან "სელესაოს" შემადგენლობაში 4 გოლი გაიტანა და არაერთი საგოლე პასი გააკეთა.

8. ალექს ტეიშეირა (შახტარი) - 42 მატჩი, 38 გოლი
უკრაინის ჩემპიონატში ბრაზილიელმა ალექს ტეიშეირამ 34 ბურთი გაიტანა. ამას დავამატოთ დონეცკელთა რიგებში ევროთასებზე გატანილი 4 ბურთი. შემთხვევითი არ არის, რომ მისი გადაბირებით რამდენიმე სოლიდური კლუბია დაინტერესებული. მათ შორის ყველაზე მეტად "ჩელსი" აქტიურობს.

9. არიც ადურისი (ატლეტიკი) - 54 მატჩი, 38 გოლი
ბასკმა ფორვარდმა 2015 წელს ესპანეთის ჩემპიონატში 23 გოლი გაიტანა. ესპანეთის თასზე არიც ადურისმა ცხრაჯერ გამოიჩინა თავი. ევროთასებზე კი 6 შედეგიანი დარტყმა შეასრულა.

10. გონსალო იგუაინი (ნაპოლი) - 62 მატჩი, 37 გოლი
არგენტინელისათვის გასული წელი წარმატებული იყო. იტალიის ჩემპიონატში მან 27 გოლი გაიტანა. გონსალო იგუაინმა იტალიის თასზე ერთხელ გამოიჩანა თავი, ევროთასებზე კი - 7 შემთხვევაში აიღო მოწინააღმდეგეთა კარი. ამას უნდა დავამატოთ არგენტინის ნაკრების მაისურით გატანილი 2 გოლი.

საუკეთესო ბომბარდირთა ოცეულში ასევე შევიდნენ:
11. ჟონასი (ბენფიკა) - 47 მატჩი, 36 გოლი
12. თომას მიულერი (ბაიერნი) - 57 მატჩი, 36 გოლი
13. ედინსონ კავანი (პარი სენ ჟერმენი) - 58 მატჩი, 35 გოლი
14. ლუკ დე იონგი (პსვ) - 47 მატჩი, 32 გოლი
15. სერხიო აგუერო (სიტი) - 48 მატჩი, 32 გოლი

16. ჰარი კეინი (ტოტენჰემი) - 59 მატჩი, 32 გოლი
17. ოლივიე ჟირუ (არსენალი) - 62 მატჩი, 32 გოლი
18. რომელუ ლუკაკუ (ევერონი) - 51 მატჩი, 31 გოლი
19. ანტუან გრიზმანი (ატლეტიკო) - 62 მატჩი, 30 გოლი
20. ჩიჩარიტო (რეალი, ბაიერი) - 53 მატჩი, 28 გოლი

ყოველდღიური სპორტული გაზეთი "ლელო"