საქართველოს ნაკრების გაფართოებული შემადგენლობა ჯერ არ დასახელებულა. ეს მთავარი მწვრთნელის, იგორ კოკოშკოვის პრეროგატივაა, თუმცა იგი შემადგენლობის შერჩევისას თანაშემწის, დავით უსტიაშვილის შეხედულებებსაც ითვალისწინებს. ეს სპეციალისტი ეროვნული ნაკრების პარალელურად ახალგაზრდულში მუშაობს, დღეიდან 20-წლამდელებს "დინამოს" დიღმის ბაზაზე შეკრებს და B დივიზიონის მატჩებისთვის მოამზადებს.
- 20-წლამდელთა ნაკრების გაფართოებულ შეკრებაზე 19 კალათბურთელი გამოვიძახე. ერთადერთი, ვისი დამატებაც გვინდოდა და ვერ მოხერხდა, ლევან ელიაძეა, რომელმაც მუხლზე ოპერაცია ერთი თვის წინ გაიკეთა და ამჟამად მკურნალობს.
- პირველ დღეს ცხრამეტივე კალათბურთელს ვერ შეკრებთ...
- მხოლოდ გივი ბაქრაძე დაგვაკლდება. იგი
- მოსამზადებელი გეგმაც გაგვაცანით...
- 10 ივნისიდან ვარჯიშს დიღმის ბაზაზე შევუდგებით. 18-დან კი გუნდი შეკრებაზე გადავა - ბაზაზე იცხოვრებს.
- საკონტროლო მატჩები არ იგეგმება?
- 1-3 ივლისს ჰოლანდიაში საერთაშორისო ტურნირი გაიმართება. შეჯიბრების ორგანიზატორებისგან მოწვევა უკვე მივიღეთ. მასში ჩვენს გარდა ჰოლანდიის 20-წლამდელთა, 23-წლამდელთა და ავსტრიის ახალგაზრდული ნაკრებები მიიღებენ მონაწილეობას. ჰოლანდიიდან ჩამოსვლის შემდეგ ვარჯიშს თბილისში განვაგრძობთ, ხოლო 13 ივლისის დილას ოფიციალური მატჩებისთვის ბოსნიის დედაქალაქ სარაევოში გავფრინდებით.
- მეტოქეებზე რა ინფორმაციას ფლობთ?
- ისევე როგორც ჩვენი ახალგაზრდული ნაკრების, მეტოქეების შემადგენლობებიც ყოველწლიურად იცვლება. ამიტომ, შარშანდელი შედეგების მიხედვით მსჯელობა ძნელია. პოლონეთს, როგორც ყოველთვის ძლიერი გუნდი ეყოლება. ახალგაზრდულ ასაკში პოლონელები ყოველთვის ფავორიტთა შორის არიან და მინიმუმ ნახევარფინალამდე აღწევენ. ჯგუფის ერთ-ერთი ფავორიტი მაკედონია უნდა იყოს. არც შვეიცარიელებს, რუმინელებსა და ესტონელებს ეყოლებათ ხელწამოსაკრავი გუნდები. საქმე ხომ 20 წლამდელებთან გვაქვს - ამ ასაკში ფიზიკურად ყველა ღონიერია.
- ჯგუფური ტურნირის ჩატარება შეუსვენებლად გიწევთ...
- ყოველდღე თამაში რთული იქნება. დიდ ენერგიასაც წაგვართმევს, მაგრამ ამისთვისაც მზად უნდა ვიყოთ.
- მიზნებზე რას გვეტყვით?
- პირველი ამოცანა ჯგუფიდან გასვლაა. მომდევნო ეტაპზე თითო ჯგუფიდან 2-2 გუნდი ითამაშებს. მიზნის მისაღწევად დიდი ბრძოლა გველის.
- B დივიზიონის შეხვედრათა დასრულების შემდეგ თქვენ და თორნიკე შენგელია ეროვნულ გუნდს შეუერთდებით. კიდევ ვინმე ხომ არ გადავა ახალგაზრდულიდან პირველ ნაკრებში?
- შენგელია ეროვნული გუნდის წევრია. 20-წლამდელთა ნაკრებში კიდევ არაერთი ნიჭიერი მოთამაშეა, რომლებიც წლეულს თუ არა, სამომავლოდ აუცილებლად მოხვდებიან არა მხოლოდ კანდიდატთა სიაში, არამედ ეროვნულის წევრებიც გახდებიან. ახალგაზრდულში თამაშით ისინი დიდ გამოცდილებას იღებენ, რაც სამომავლოდ ძალიან წაადგებათ.
- საქართველოს ეროვნული ნაკრების შემადგენლობას იგორ კოკოშკოვი თქვენთან შეთანხმებით დაასახელებს. როდის გამოაცხადებთ კანდიდატთა სიას?
- მალე. იგორ კოკოშკოვს საქართველოს ჩემპიონატის პლეი ოფების ვიდეოჩანაწერები გავუგზავნეთ და იგი გაფართოებული შეკრებისთვის შემადგენლობას არჩევს. ცნობილი მხოლოდ ისაა, რომ 24 ივლისს ავსტრიაში 18 კალათბურთელი გაფრინდება.
- ცნობილია ისიც, რომ შარშანდელი შემადგენლობიდან 12 კალათბურთელი წლეულსაც გამოძახებულია...
- ასეა. მათ დაემატება ვლადიმერ ბოისა და კიდევ 5 მოთამაშე.
- მათ შორის ტორინ გრინიც იქნება?
- გრინი მწყობრშია და ვარჯიშს უკვე შეუდგა. მას ფეხის თითის ძვალი ჰქონია გაბზარული, ექიმები კი რთულ ტრავმას ვარაუდობდნენ. იგი აუცილებლად დაგვეხმარება.
- საქართველოს ნაკრების წევრები 24 ივლისამდე აპირებენ შეკრებას.
- ვინც თბილისში იქნება 1 ივლისიდან ნაკრების ფიზმომზადების მწვრთნელ ავთო ბერიძესთან ერთად შეუდგება ვარჯიშს, რათა ოფიციალურ შეკრებას მწყობრში შეხვდეს. ვინც ივლისის დასაწყისს საქართველოში არ შეხვდება, მოსამზადებელი გეგმები დაეგზავნებათ.
გრინმა როგორ შეიძლება შე უტვინო იქართველოს, მას შეუძლია მხოლოდ დიდი გასამჯელოს ფასათ ჩვენს ნაკრებში ითამაშოს!!