"ლელოს" ორშაბათის ნომერში ჩამოგითვალეთ საქართველოს ნაკრებში გამოძახებულთა გვარები. ასეთი 16 კალათბურთელი იყო. გუშინ შევიტყვეთ, რომ მათ ლაშა ფარღალავა დაემატა, რომელიც გასულ სეზონში "სოხუმის" ღირსებას იცავდა.წინა კვირას წარმოგიდგინეთ ნაკრების კანდიდატი მიხეილ ბერიშვილი. სანაკრებო თემას ლაშა ფარღალავათი განვაგრძობთ. დოსიეში შეგიძლიათ გაეცნოთ მის საკლუბო კარიერას, აქ კი ლაშას ინტერვიუს შემოგთავაზებთ.
- რა დასამალია, ნაკრებში გამოძახება ძალიან გამიხარდა. ეროვნულ გუნდში მოხვედრა დიდი პატივია, მით უმეტეს საქართველოს ჩემპიონატიდან.
- როგორ წარმოგიდგენია საკუთარი თავი ნაკრებში?
- მწვრთნელმა გაფართოებულ შემადგენლობაში დამიძახა. თოთხმეტ საუკეთესოს შორის მოხვედრა იოლი
- ვარჯიშს ხომ არ შედგომიხარ?
- მწვრთნელ ვაჟა კვარაცხელიას ქობულეთში ბავშვთა გუნდი ჰყავს წამოყვანილი. მე და ლევან ფაცაციაც აქ ვართ, პატარებსაც ვამზადებთ და ჩვენც ვვარჯიშობთ. სანაკრებო მზადებას პირველი ივლისიდან შევუდგებით.
- 17 ივნისს "სოხუმთან" ხელახალი კონტრაქტი გააფორმე...
- სეზონის დასრულების შემდეგაც გადაწყვეტილი მქონდა გუნდში დარჩენა, რადგან "სოხუმი" ჩემი ოჯახივითაა. აქ თავს შესანიშნავად ვგრძნობ. ველოდი სამწვრთნელო საკითხის გარკვევას და რადგან ლატვიელმა სპეციალისტმა აინარს ბაგაცკისმა კიდევ ერთი სეზონით დარჩენა გადაწყვიტა, მეც დაუფიქრებლად გავაფორმე ორწლიანი ხელშეკრულება.
- "სოხუმი" ევროჩელენჯზე ითამაშებს. როგორ ფიქრობ, გეყოლებათ იმ დონის გუნდი, რომ საკვალიფიკაციო ეტაპის ბარიერი დაძლიოთ?
- კლუბის ხელმძღვანელობამ მიხეილ ბერიშვილთან და ლევან ფაცაციასთან კონტრაქტები გააფორმა. მიშა მართლაც გამორჩეული კალათბურთელია, ლევანთან კი ბავშვობიდან ვთამაშობ და მოხარული ვარ "სოხუმშიც" ერთად რომ გვიწევს გამოსვლა. ასევე ბევრი რამ ლეგიონერებზე იქნება დამოკიდებული. როგორც ვიცი, კლუბის ხელმძღვანელობა ძლიერი უცხოელების მოწვევას აპირებს.
ლაშა ფარღალავა
სოხუმი
დაიბადა: 07.02.1987
სიმაღლე: 192 სმ
წონა: 83კგ
ამპლუა: უკანახაზელი
კარიერა
2002-04 სოხუმი
2004-06 ფლორიდის აკადემია (აშშ)
2006-08 პენსაკოლა (აშშ)
2008-09 ჰავაი (აშშ)
2009-10 მონტანა (აშშ)
ყოველდღიური სპორტული გაზეთი "ლელო"
