საქართველოს ჭაბუკთა ნაკრებმა კიევში მეორე მატჩი გამართა უკრაინელ თანატოლებთან და 72:100 დამარცხდა. უკრაინის კალათბურთის ფედერაციის ვებ-გვერდის ცნობით, მიუხედავად ანგარიშში დაფიქსირებული სოლიდური სხვაობისა, მასპინძლებისთვის გამარჯვება იოლად არ მოსულა.საქართველოს ნაკრებმა პირველი მეოთხედი 14 ქულით დათმო, თუმცა მეორეში ეს ჩამორჩენა მთლიანად აღმოფხვრა. შემდეგ ბარძაყის ტრავმა მიიღო და მოედანი ნაადრევად დატოვა ქართველების ერთ-ერთმა ლიდერმა ირაკლი მიქელაძემ, რის შემდეგ ინიციატივა უკრაინელთა მხარეზე გადავიდა.
დიდ შესვენებაზე მასპინძები 13-ქულიანი უპირატესობით გავიდნენ. დარჩენილ დროში მასპინძლებს სტუმართათვის დაწევის უფლება არ მიუციათ.
უკრაინა-საქართველო 100:72
28:14, 21:22, 25:16, 26:20
უკრაინა: გერუნი
საქართველო: კვანტალიანი (20ქ, 5მ), ნადირაძე (16ქ), მიქელაძე (10ქ, 7პ), ლობჟანიძე (6ქ)
ყოველდღიური სპორტული გაზეთი "ლელო"
