1995 წელს საქართველოს ნაკრებს ჯგუფში ერთით მეტი თამაში რომ მოეგო, ევროპის ჩემპიონატზე მოხვდებოდა. მას მერე 15 წელი გავიდა და საკალათბურთო ნაკრები პირველად მიუახლოვდა ევროპას (საკალათბურთო მიმომხილველები ევრობასკეტს რომ უწოდებენ).
2 აგვისტოს
თუმცა მხოლოდ პოტენციალი, კარგი მწვრთნელი და გადაჭედილი სპორტის სასახლის ყიჟინა საკმარისი არ არის - შესარჩევი ტურნირი შედგება როგორც საშინაო, ისე საგარეო შეხვედრებისგან. ამიტომ, თუ სატურნირო ცხრილში სხვებზე წინ გვინდა ვიყოთ, აუცილებელია ერთი-ორი საგარეო პაექრობის მოგებაც. ოღონდ, როცა გუნდი 9 მთას იქით ტრანზიტული რეისით მიემგზავრება, თან ღამის გატეხვა უწევს, მეორე დღეს ენერგიით სავსე მასპინძლის (ბელგია, პოლონეთი და პორტუგალია მგზავრობაში ჩვენზე გაცილებით ნაკლებ დროს ხარჯავენ) დამარცხება ყოველთვის ისევე გაუჭირდება, როგორც ბელგიის ნაკრებისა...
შესარჩევი კარგად დავიწყეთ და არავინ იცის კიდევ როდის მოგვეცემა ევროპის ჩემპიონატზე მოხვედრის ასეთი შანსი. ჰოდა, სწორედ ახლა სჭირდება ნაკრებს ხელშეწყობა. დარდი ნუ გაქვთ, გულშემატკივარი სპორტის სასახლეს ყოველთვის შეავსებს, გასვლით შეხვედრებზე გასამგზავრებლად კი აუცილებელია თვითმფრინავის დაქირავება, ჩარტერი. დიახ, ჩარტერი! ასეთ შემთხვევაში ბიჭებს არც ღამის გატეხვა მოუწევთ და გზაშიც, მაქსიმუმ, 3-4 საათი დაიხარჯოს.
ზემოთ ფეხბურთელები ვახსენეთ და, პორტუგალიის "ბოავიშტასთან" 14 წლის წინანდელი მატჩის შემდეგ გოჩა ჯამარაულის ნათქვამს გაგახსენებთ - ხანგრძლივმა მგზავრობამ ძალიან დაგვღალა, სათამაშოდ ძალა აღარ შემოგვრჩაო...
თბილისის "დინამომ" ის თამაში 0:5 დათმო. პორტუგალიას საქართველოს კალათბურთელთა ნაკრებიც ესტუმრება (26 აგვისტოს). ცხადია, ეს იქნება აუცილებლად მოსაგები მატჩი და დაუშვებელია ასეთ შორ მანძილზე ნაკრების ტრანზიტული რეისით გაშვება. რა თქმა უნდა, გვჯერა, რომ კალათბურთის ფედერაცია გაითვალისწინებს ბელგიურ "გამოცდილებას" და ამ პრობლემას დროულად მოაგვარებს.
