ევროპის ჩემპიონატზე საქართველოს ნაკრების მეტოქეს, სლოვენიას მნიშვნელოვანი ფიგურა დააკლდა - ბოსტიან ნახბარი. ეს კალათბურთელი NBA-შიც თამაშობდა და ევროპის დონეზე გამორჩეული ფორვარდიცაა, თუმცა საკუთარი შესაძლებლობების გამოვლენას ლიტვაში ვერ შეძლებს, რადგან კოჭი აქვს ნატკენი და სექტემბრამდე მის მოშუშებას ვერ მოასწრებს. - სლოვენიელ ქომაგს ბოდიშს მოვუხდი, ევროპის ჩემპიონატზე ვერ ვითამაშებ. ექიმებმა კოჭი გამოიკვლიეს და გადაწყვიტეს, რომ ოპერაციას თავიდან ვერ ავიცილებ, - განაცხადა ნახბარმა, რომელიც "გოლდენ სტეიტში" ნიკა ცქიტიშვილის თანაგუნდელი იყო.
ერთი ვარსკვლავის წასვლას მეორის მისვლა დაემთხვა - "ბარსელონას" თავდამსხმელმა ერაზემ ლორბეკმა სლოვენიის ნაკრებში
ერაზემი ევროპის 2009 წლის ჩემპიონატზე მსუყე მონაგარით გამოირჩა - საშუალოდ 16.4 ქულასა და 7.4 მოხსნას აგროვებდა.
ყოველდღიური სპორტული გაზეთი "ლელო"
