საქართველოს ნაკრებმა ევროპის ჩემპიონატის წინ ბოლო, მე-12 ამხანაგური შეხვედრა ვილნიუსში ლიტვის წინააღმდეგ ჩაატარა. წაგების მიუხედავად თამაშის მხილველი ნებისმიერი გულშემატკივარი კმაყოფილი დარჩებოდა - ქართველები ევროპის ერთ-ერთ წამყვან ნაკრებს თანაბრად შეებრძოლნენ.მატჩისა და ზოგადად სანაკრებო ამბების შესატყობად გუშინ, 28 აგვისტოს გუნდის მენეჯერ კოტე ტუღუშს დავუკავშირდით.
თავდაპირველად შეხვედრის შესახებ აზრის გაზიარება ვთხოვეთ.
- ჩვენი თამაში დადებითად უნდა შეფასდეს. კალათბურთელებმა მწვრთნელების დავალებები კარგად შეასრულეს და ამიტომაც იყო, რომ ბოლო წუთებამდე ვინარჩუნებდით გამარჯვების შანსს.
- ტელეეკრანიდან ისეთი შთაბეჭდილება დაგვრჩა, რომ მატჩის მოგება რეალური იყო.
-
- სირენამდე 4 წუთით ადრე იასაიტისმა სამქულიანის შემდეგ ორი ჯარიმა ისროლა.
- იმ ეპიზოდში მსაჯები სწორად მოიქცნენ. ზაზა ფაჩულია მეტოქეს მას შემდეგ შეეჯახა, რაც იასაიტისმა ბურთი ისროლა. რადგან გუნდური ოთხი ჯარიმა უკვე მიღებული გვქონდა, ლიტველმა ორი ჯარიმა ამიტომაც ისროლა.
- მზადებას სად განაგრძობთ?
- კვირას შუადღეს კლაიპედაში ჩამოვედით და სასტუმრო "ამბერტონში" დავბინავდით. თბილი, ქართული ამინდი დაგვხვდა.
ყოველდღიური სპორტული გაზეთი "ლელო"
