ჟურნალისტებთან საუბარში რუსეთის ეროვნული ნაკრების ფორვარდმა ანდრეი ვორონცევიჩმა საქართველოს შეხვედრასთან დაკავშირებით განაცხადა, რომ საქართველოს ნაკრების კალათბურთელები მათ არაფერს დაუთმობენ."ჩვენ ვნახეთ ქართული გუნდი და ვიცით, როგორ თამაშობს. ბელგიასთან თამაშის ვიდეო უკვე გავარჩიეთ და ახლა თამაშის მონაკვეთებს უნდა ვუყუროთ.
საქართველოს ნაკრები მაღალი, კარგი და ათლეტური გუნდია. მათ უკანა ხაზში სნაიპერები ჰყავთ, რომლებიც კარგად ისვრიან. ისინი სწრაფები არიან და ბურთისთვის მუდამ იბრძვიან. ამრიგად, კარგ გუნდს ვეთამაშებით და ვფიქრობ, ქართველები არ გაგვახარებენ.
დღეს ასევე გულშემატკივრების პაექრობა იქნება, რომლებიც შეეცდებიან, ერთმანეთს შეძახილებში შეეჯიბრონ. თუ
რუსმა კალათბურთელმა აღიარა, რომ ნაკრების წევრებმა უკრაინასთან მოგებული შეხვედრის შემდეგ დასვენება ვერ მოახერხეს. მისი თქმით, გვიან გამართული მატჩის გამო ნაკრები გვიან დაწვა დასაძინებლად და კარგად ვერ დაისვენა, მაგრამ კალათბურთელები დღისითაც აპირებენ გამოძინებას, რაც საბოლოოდ დაეხმარებათ ძალების აღდგენაში.
