- მატჩის წინ ბიჭებს ვუთხარი - ჯგუფში ყველაზე მნიშვნელოვანი ბრძოლა საქართველოს ნაკრებთან გვაქვს, რადგან ეს გუნდი ჩვენთან ერთად მომდევნო ეტაპზე გავა და იქ ქართველებთან ერთი მოგება დაბევებული გვექნება-მეთქი, - თქვა რუსეთის ნაკრების თავკაცმა დევიდ ბლატმა.საქართველოს ნაკრების შესაძლებლობის უკეთეს შეფასებას ვერც ვინატრებდით. გუშინ ბლატიც, ქართველთა მწვრთნელი იგორ კოკოშკოვიც, ნაკრების კალათბურთელებიც და, რაც მთავარია, ქომაგიც დარწმუნდა, რომ მომდევნო ჯგუფურ ეტაპზე მოხვედრა რეალურია. რუსები ჩემპიონატის დაწყებამდე აცხადებდნენ - ჩვენი მიზანი ოლომპიადის საგზურის მოპოვებააო. რითი ვართ რუსებზე ნაკლებები? პასუხია: გამოცდილებით, რამაც გუშინ მატჩის
დავინახეთ: გუნდი
ნამატჩევს ანდრეი კირილენკომ თქვა - დღეს მოედანზე ორი გუნდი იდგა, ნამდვილი, შეკრული და მებრძოლი გუნდი! დევიდ ბლატმა დაამატა: წინა წლებში ქართველებს ყველაზე მეტად გუნდურ თამაშში უჭირდათ, დღეს კი ევრობასკეტის ერთ-ერთი ყველაზე ორგანიზებული გუნდი ჰყავთო.
დავინახეთ: ინდივიდუალიზმითაც გამოვირჩევით
მოდით ამის განმარტებისთვისაც დევიდ ბლატის სიტყვები მოვიშველიოთ:
- საქართველოს ნაკრებს ორი ლიდერი ჰყავს - ინდივიდუალურად გამორჩეულები ვიქტორ სანიკიძე და ზაზა ფაჩულია. გამოგიტყდებით, ზაზას ფანი ვარ. ჩვენი უმთავრესი ამოცანა სწორედ ფაჩულიასა და სანიკიძის განეიტრალება იყო და ეს შევძელით. თუმცა დიდი თავსატეხი გაგვიჩინა მანუჩარ მარკოიშვილმა, რომელიც ექსტრა-კლასის კალათბურთელია. როგორც აღმოჩნდა, სწორი გათვლები გაგვიკეთებია - მანუმ ბევრი კი ჩაგვიგდო, მაგრამ თამაში ვერ მოიგო.
დავინახეთ: დაცვა ქართველთა აქილევსის ქუსლი აღარ არის
მიუხედავად იმისა, რომ მეოთხე პერიოდის საწყის 6 წუთში NBA-ს ვარსკვლავი ანდრეი კირილენკო და მისი გუნდელები მეტად ენერგიულად უტევდნენ ქართველთა კალათს, ბურთის ჩაგდება ვერ მოახრეხეს.
- მეტოქემ ზონური დაცვა დაგვიპირისპირა და თავისუფალი გზის პოვნა გაგვიჭირდა. ასეთ დროს თამაშის გახსნა სამქულიანებით შეიძლება, მაგრამ არ აღმოგვაჩნდა საამისო რესურსი, - აღნიშნა კირილენკომ. სწორედ აქ უნდა ვახსენოთ ერთი გვარი - გამყრელიძე, რომელიც მოედანზე პირველად მესამე პერიოდში გამოჩნდა და მეტოქის გამთამაშებლებს გასაქანი არ მისცა. გასაკვირი არ იყო, რომ ნამატჩევს ტელეეთერში ჩასართავად სწორედ გამყრელიძეს უხმეს. ლაშა იგორ კოკოშკოვის საიდუმლო იარაღი აღმოჩნდა.
- პირველ ტაიმში დაცვაში გაგვიჭირდა, მეორეში კი უფრო აგრესიულად, უფრო მწყობრად დავდექით, ხისტად, ძალისმიერად ვითამაშეთ და ამიტომაც შემოვაბრუნეთ თამაში, - აღნიშნა მარკიზ ჰეინსმა. მატჩი მართლაც შემოტრიალებული იყო - 14 ქულიანი ჩამორჩენა ქართველებმა ორამდე შეამცირეს (50:52). ამ ანგარიშზე ჩვენს გუნდს ზედიზედ ხუთი შეტევის განხორციელების შანსი მიეცა, მაგრამ არც რუსეთის დაცვა იყო უმოქმედოდ და ანგარიშის გათანაბრების შანსი ვერ გამოვიყენეთ.
- მატჩის ბოლოს ძალიან გაგვიჭირდა, ვუხმეთ გამოცდილებას, მობილიზებას, მონდომებას და საბოლოოდ მაინც გავიმარჯვეთ, - თქვა დევიდ ბლატმა, რომელიც პრეს-კონფერენციაზე შესანიშნავი განწყობით შემოვიდა.
- დღეს უფრო ძლიერმა და გამოცდილმა გუნდმა გაიმარჯვა. წაგების მიუხედავად ჩემი შეგირდებით უკმაყოფილო არა ვარ. მათ მაქსიმუმი გააკეთეს და დიდი ჩამორჩენის მიუხედავად ბოლომდე იბრძოლეს. ცოტა რომ გაგვმართლებოდა, შესაძლოა მოგვეგო კიდეც, - ეს უკვე იგორ კოკოშკოვის სიტყვებია.
- საინტერესო თამაში გამოვიდა. ბევრი შეცდომა დავუშვით, რასაც რუსეთის დარი ძლიერი გუნდი არავის პატიობს. წინ რთული მატჩები გველის და თამაშს კიდევ უნდა მოვუმატოთ, - თქვა მანუჩარ მარკოიშვილმა.
დევიდ ბლატი კი ვილნიუსში შეხვედრის იმედით დაგვემშვიდობა. შეგახსენებთ, რომ მეორე ეტაპის მატჩები სწორედ ვილნიუსში გაიმართება. თუმცა, არ უნდა დაგვავიწყდეს - ჯგუფიდან გასულები არა ვართ, ამისთვის დარჩენილი სამიდან ორი მატჩის მოგებაა საჭირო.
იხილეთ ვიდეო
საქართველო-რუსეთი 58:65
I პერიოდი
09:21 კირილენკო 2ქ (0:2)
08:50 მარკოიშვილი 3ქ (3:2)
08:11 მარკოიშვილი 3ქ (6:2)
05:58 ანტონოვი 3ქ (6:5)
05:11 ფრიდზონი 3ქ (6:8)
04:24 სანიკიძე 2ქ (8:8)
03:59 სანიკიძე 3ქ (11:8)
03:12 კირილენკო 2ქ (11:10)
02:44 კირილენკო 2ქ (11:12)
02:27 მარკოიშვილი 3ქ (14:12)
01:45 შვედი 2/2ქ (14:14)
00:48 მონია 3ქ (14:17)
00:31 ცინცაძე 2ქ (16:17)
00:03 ფრიდზონი 3ქ (16:20)
II პერიოდი
09:43 ფაჩულია 2ქ (18:20)
08:58 მოზგოვი 2ქ (18:22)
08:03 ცქიტიშვილი 2/2ქ (20:22)
07:47 შვედი 2ქ (20:24)
07:04 ფაჩულია 2ქ (22:24)
06:40 მონია 3ქ (22:27)
05:46 მონია 2ქ (22:29)
05:26 ცქიტიშვილი 2ქ (24:29)
05:09 მონია 3ქ (24:32)
04:07 კირილენკო 2/1ქ (24:33)
02:30 სანიკიძე 3ქ (27:33)
02:07 ფრიდზონი 1/2ქ (27:34)
01:33 კირილენკო 2ქ (27:36)
01:10 კირილენკო 2ქ (27:38)
00:31 შვედი 2ქ (27:40)
III პერიოდი
08:50 სანიკიძე 2ქ (29:40)
08:18 ფაჩულია 2+1ქ (32:40)
07:51 მოზგოვი 2ქ (32:42)
07:07 ფირდზონი 2ქ (32:44)
06:40 კირილენკო 2ქ (32:46)
06:21 მარკოიშვილი 2ქ (34:46)
05:45 მარკოიშვილი 3/3 (37:46)
05:20 კირილენკო 2ქ (37:48)
03:20 შვედი 2/1 (37:49)
01:55 ჰეინსი 2ქ (39:49)
01:15 ჰეინსი 3ქ (42:49)
00:55 მონია 2/1 (42:50)
00:17 მოზგოვი 2ქ (42:52)
00:04 მარკოიშვილი 3ქ (45:52)
IV პერიოდი
09:19 მარკოიშვილი 2ქ (47:52)
07:17 შენგელია 2ქ (49:52)
07:17 შენგელია 1/1 (50:52)
03:50 ვორონცევიჩი 2/2 (50:54)
03:29 კირილენკო 2ქ (50:56)
02:56 ვორონცევიჩი 2ქ (50:58)
02:41 ფაჩულია 2/2 (52:58)
02:19 ჰეინსი 2ქ (54:58)
01:53 კირილენკო 2ქ (54:60)
01:53 კირილენკო 1/1 (54:61)
01:29 ფაჩულია 2/2 (56:61)
00:28 ვოროცევიჩი 2/2 (56:62)
00:22 მარკოიშვილი 2ქ (58:62)
00:19 კრიაპა 1/2 (58:63)
00:15 ბიკოვი 2/2 (58:65)
ვაჟა სიმონიშვილი ლიტვიდან
