- ბულგარეთში წამოსვლამდე გაირკვა, რომ საქართველოს ნაკრები პორტუგალიაში ჩარტერული რეისით გაემგზავრება. ეს გუნდისთვის ძალიან სასარგებლო იქნება, რადგან ღამის გატეხვა არ მოუწევს და პორტუგალიაში დამშვიდებული ჩავა. არანაკლებ მნიშვნელოვანია პორტუგალიის შემდეგ სამ დღეში გასამართი მატჩი - თბილისში ბულგარეთს ვუმასპინძლებთ. ტრანზიტული რეისით მგზავრობა ნაკრებს ძალიან გადაღლიდა, არადა, შეიძლება სწორედ ბულგარეთთან დაპირისპირება აღმოჩნდეს გადამწყვეტი...
- ახლა ამ გუნდთან გამართულ სოფიურ დაპირისპირებაზე ვთქვათ.
- ჩვენმა გუნდმა მატჩი სტაბილურად ჩაატარა, დამსახურებულად
- ეს გამარჯვება სატურნირო თვალსაზრისითაც მნიშვნელოვანი იყო.
- წაგების შემთხვევაში ჯგუფიდან გასვლის ისეთივე შანსი გვექნებოდა, როგორიც დანარჩენ სამ გუნდს. წარმატებამ კი სერიოზული უპირატესობა მოგვცა - დღევანდელი გადასახედიდან პირველ ადგილზე გასვლის სხვებზე მეტი შანსი გვაქვს, თუმცა წინ კიდევ 4 მატჩია და ნაკრებს ბრძოლისუნარიანობის შენარჩუნება მართებს. მთავარია, ბიჭებს ენერგია ბოლომდე შერჩეთ.
- პოლონეთთან კარსმომდგარ დაპირისპირებაზე რას იტყვით?
- რთული ბრძოლა გველის. პოლონელებმა ბელგიას 20 ქულის სხვაობით აჯობეს და ჩვენი დამარცხებისთვისაც ყველაფერს იღონებენ. იმედი მაქვს, კალათბურთელები ბულგარეთთან მატჩის შემდეგ ძალების აღდგენას მოასწრებენ. ასევე ვიმედოვნებ, რომ ზაზა ფაჩულია ფეხს მოიშუშებს...
- ზაზას მუხლი ისევ აწუხებს?
- ბულგარეთთან მატჩამდეც სტკიოდა და სოფიაში ცოტა გაუმიზეზდა. ვფიქრობ, 17 აგვისტომდე ზაზა მწყობრში ჩადგება.
გუშინ, საღამოს საქართველოს ნაკრები სოფიიდან ვარშავაში გაფრინდა, პოლონეთის დედაქალაქიდან კი ლოძისკენ ავტობუსით გაეშურა.
ყოველდღიური სპორტული გაზეთი "ლელო"
