შარშან ვალენსიელებმა ევროთასი მოიგეს და ევროლიგის საგზურიც მოიპოვეს. ამიტომ ახალმა მწვრთნელმა აქცენტი გამოცდილ შემადგენლობაზე გადაიტანა და თორნიკემაც გადაწყვიტა, კარიერაში მორიგი ნაბიჯი
- თორნიკემ კონტრაქტი ბელგიურ "შარლერუასთან" გააფორმა, თუმცა იჯარის წესით "პეპინსტერში" ითამაშებს. ესეც უმაღლესი ლიგის წარმომადგენელია და წინასწარ დაგვპირდნენ, რომ თორნიკე მოედანზე 20-25 წუთს აუცილებლად გაატარებს. მის ასაკში სათამაშო პრაქტიკას დიდი მნიშვნელობა აქვს. თანაც ბელგიის ჩემპიონატში. ბელგიელებს საქართველოს ნაკრებთან მატჩამდე ფავორიტად არავინ მიიჩნევდა, თუმცა საბოლოო შედეგმა დაგვანახა, რომ ჯგუფის ერთ-ერთი საუკეთესო გუნდი იყო, - აღნიშნა თორნიკეს მამამ, ვეტერანმა კალათბურთელმა კახა შენგელიამ.
ახლა თავად თორნიკეს მოვუსმინოთ, რომელიც ახალ კლუბზე მოგვითხრობს:
- ტრანსფერით კმაყოფილი ვარ. შარშან "ვალენსიას" შემადგენლობაში ძირითადად ება-ს ლიგაზე მიწევდა თამაში, ახლა ბელგიის ჩემპიონატში ვიასპარეზებ. მართალია, კონტრაქტი "შარლერუასთან" გავაფორმე, მაგრამ პირველ წელს "პეპინსტერში" გავატარებ. თავს როგორ წარმოვაჩენ, ეს უკვე ჩემზე იქნება დამოკიდებული.
- "პეპინსტერს" ბელგიის პირველობაზე რა მიზნები ექნება?
- წინასწარ ძნელი სათქმელია. შემადგენლობით ჩემი ახალი გუნდი თუნდაც "შარლერუას" ვერ შეედრება, მაგრამ არც აუტსაიდერი უნდა იყოს. ამის თქმის საფუძველს სატრანსფერო ამბები მაძლევს - გუნდში 8 ლეგიონერია, რომელთა უმეტესობა ამერიკის კოლეჯების ლიგიდანაა.
- საქართველოს ნაკრებში 2008-09 წლებშიც გითამაშია, მაგრამ წლეულს გუნდის სასტარტო ხუთეულის წევრი გახდი...
- ჩვენს ნაკრებში მაღალი დონის კალათბურთელები თამაშობენ. მათ გვერდით გამოსვლა ჩემთვის ძალიან სასარგებლო იყო. დიდი გამოცდილება შევიძინე, რაც სამომავლოდ აუცილებლად უნდა წამადგეს.
- შენ მიერ ჩატარებული მატჩებიდან რომელს გამოარჩევ?
- ყველა შეხვედრას თავისი ხიბლი ჰქონდა, ყველა გამორჩეული იყო ბელგიასთან დაპირისპირებების გამოკლებით. ის მატჩები, ალბათ, არავის ახსენდება დადებითად, გარდა თვით ბელგიელებისა. იმედი მაქვს, ამ სეზონში კლუბში საკმარისი სათამაშო დრო მექნება, მეტ გამოცდილებას მივიღებ და მომავალ წელს ნაკრებს მეტად გამოვადგები.
ყოველდღიური სპორტული გაზეთი "ლელო"
