21 აგვისტოს საქართველოს კალათბურთელთა ნაკრებმა ევროპის 2013 წლის ჩემპიონატის შესარჩევ ტურნირში მეორე შეხვედრა ბოსნია-ჰერცოგოვინის ნაკრებთან სტუმრად გამართა და ერთი ქულის სხვაობით, 96:95 (9-28, 29-26, 34-23, 23-19) დაამარცხა.იგორ კოკოშკოვის გაწვრთნილებმა, რომლებსაც ბოსნიური მატჩის წინ ტრავმირებული ზაზა ფაჩულია დაუბრუნდათ, შეხვედრა ბრწყინვალედ დაიწყეს და პირველი მეოთხედი სოლიდური უპირატესობითაც მოიგეს - 28:9.
მეორე მეოთხედში მასპინძლებმა გაიბრძოლეს და თავიდან თითქოს მდგომარეობის გამოსწორებაც სცადეს, მაგრამ ქართველი კალათბურთელების წინააღმდეგ, განსაკუთრებით, დაცვაში თამაშისას, ვერაფერი გააწყვეს.
შედეგად, პირველი ტაიმი საქართველოს ნაკრების გამარჯვებით, ანგარიშით 54:38 დასრულდა.
მეორე ტაიმი მასპინძლებმა
ბოლო მეოთხედში მოედანზე დაძაბულობამ პიკს მიაღწია, ანგარიშში სხვაობა კი მინიმუმამდე შემცირდა. შეხვედრის დასრულებამდე 30 წამით ადრე, 96:95-ზე, ბურთი ქართველ კალათბურთელებს ჰქონდათ, თუმცა მარტივ სიტუაციაში შეცდომა დაუშვეს და 6 წამით ადრე მასპინძლებს ჩააბარეს.
საბედნიეროდ, ბოსნიელ კალათბურთელთა ბოლო იმედის შეტევას შედეგი არ მოჰყვა და შეხვედრა იგორ კოკოშკოვის გუნდის გამარჯვებით დასრულდა.
მომდევნო შეხვედრას იგორ კოკოშკოვის გუნდი შინ, 24 აგვისტოს, ლატვიის ნაკრების წინააღმდეგ გამართავს.
