საქართველოს კალათბურთელთა ნაკრები ევროპის 2013 წლის ჩემპიონატის შესარჩევი ტურნირის D ჯგუფის პირველი წრის ბოლო შეხვედრაში ჰოლანდიის ნაკრებთან 88:91 (19:15, 28:24, 20:25, 21:27) დამარცხდა.ვიქტორ სანიკიძის გარეშე მოთამაშე იგორ კოკოშკოვის შეგირდებმა სტუმრად ჰოლანდიელებთან, რომლებსაც აქამდე ჯგუფში სამიდან სამი წაგება ჰქონდათ, პირველი ტაიმის შემდეგ მოპოვებული რვაქულიანი უპირატესობა მესამე მეოთხედის შემდეგ სამ ქულამდე შეამცირეს. მეოთხე მეოთხედში კი 6 ქულის სხვაობით დამარცხდნენ და მატჩიც საბოლოოდ სამი ქულის სხვაობით დათმეს.
პირველი წრის შემდეგ საქართველოს ნაკრებს 7 ქულა აქვს და D ჯგუფს ბოსნიის ნაკრებთან ერთად ლიდერობს,
მომდევნო შეხვედრას საქართველოს ნაკრები 2 სექტემბერს, სტუმრად რუმინეთის ნაკრებთან გამართავს.
