31 აგვისტოს ევროპის 2013 წლის ჩემპიონატის შესარჩევ ტურნირში მეორე წრე დაიწყო. როგორც პირველ ტურში, საქართველო ამჯერადაც ისვენებს. ჩვენს ჯგუფში კი მეტად საინტერესო შედეგი დაფიქსირდა: ლატვიის ნაკრებმა დიდი გართულების გარეშე ბოსნია დაამარცხა - 80:64.
ლატვიელებს მხოლოდ პირველ მეოთხედში გაუჭირდათ, რომელიც 19:16 დათმეს. შემდეგ კი უპირატესობა მხოლოდ მასპინძლებისა იყო. მეორე ათწუთეული აინარს ბაგაცკისის ნაკრებმა 26:11 მოიგო, ხოლო მესამეში ბოსნიას 24:19 აჯობა და ბოლო მეოთხედს აზრი დაუკარგა.
გამარჯვებულებს დაირის ბერტანსმა ულიდერა, რომელმაც 25 ქულა ჩააგდო, 16 ქულით კი მარტინს მეიერსი გამოირჩა. ბოსნიელთაგან საუკეთესო
ჯგუფის მეორე მატჩში ჰოლანდიამ საკუთარ მოედანზე რუმინეთს 80:74 მოუგო და ჯგუფში მეოთხე პოზიციაზე გადაინაცვლა. მომდევნო ტური 2 სექტემბერს გაიმართება: საქართველო ბუქარესტში რუმინეთს შეხვდება, ხოლო ბოსნია ჰოლანდიას უმასპინძლებს.
| 1 | ლატვია | 5 | 3/2 | 414/353 | 8 |
| 2 | ბოსნია | 5 | 3/2 | 437/428 | 8 |
| 3 | საქართველო | 4 | 3/1 | 343/326 | 7 |
| 4 | ჰოლანდია | 5 | 2/3 | 414/444 | 5 |
| 5 | რუმინეთი | 5 | 1/4 | 360/417 | 5 |
gbf.ge
