გუშინდელ ნომერში ჯეიკობ პულენის შესახებ გამოქვეყნებულ სტატიას რუბრიკად მივაწერეთ: "მოსალოდნელი ტრანსფერი". დღეს რუბრიკა შეიცვალა: "ტრანსფერი". რადგან წინასწარი ინფორმაციით პულენის გადაბირება ბელგრადის "პარტიზანს" სურდა, ლუგიკურად მეორე დღეს ამ ტრანსფერის დადასტურებას ველოდით. მაგრამ ერთ დღეში სიტუაცია რადიკალურად შეიცვალა და საქართველოს ნაკრების უკანახაზელი არა "პარტიზანში" არამედ იერუსალიმის "ჰაპოელში" ჩაირიცხა.აი, რა წერია ევროთასის ოფიციალურ საიტზე: "იერუსალიმელებმა იმედისმომცემი ახალგაზრდა (1989 წელსაა დაბადებული, 185 სმ სიმაღლის) ჯეიკობ პულენი დაიმატეს. მან ევროპაში გადმოსვლის შემდეგ პირველი სეზონი იტალიურ "ბიელაში" გაატარა, საშუალოდ 16 ქულას, 3.3 პასსა და 1.7
იოლი მისახვედრია, რატომ გამოქვეყნდა პულენის სატრანსფერო ცნობა ევროთასის ოფიციალურ საიტზე - "ჰაპოელი" მომავალ სეზონში სწორედ ამ ტურნირში მიიღებს მონაწილეობას.
იმასაც შეგახსენებთ, რომ უფრო ადრე ევროთასის წარმომადგენელ კლუბებში გადავიდნენ ლაშა გამყრელიძე და გიორგი ცინცაძე. პირველმა პოლონურ "სოპოტს" მიაშურა", ხოლო მეორემ - უკრაინულ "ბუდიველნიკს".
პარტიზანში არა, ჰაპოელში (იბეჭდება მცირე ცვლილებით)
ყოველდღიური სპორტული გაზეთი "ლელო"
