საქართველოს კალათბურთელთა ნაკრების მთავარმა მწვრთნელმა იგორ კოკოშკოვმა რუმინეთის ეროვნულ გუნდთან (91:74) ევრობასკეტის შესარჩევის ციკლის ეტაპზე გამარჯვების შემდეგ კომენტარი გააკეთა."ეს ჩვენთვის დიდი გამარჯვებაა. ჩვენ სათანადოდ შევაფასეთ რუმინეთი, რომელსაც ძალიან კარგი გუნდი და პერსპექტიული მოთამაშეები ჰყავს. ჩვენ აქ მოსაგებად ჩამოვედით, თუმცა ვიცოდით, რომ რთული ბრძოლა გველოდა.
ჩვენ გამარჯვება ბოლო მომენტამდე არ გვქონდა განაღდებული, ასე რომ, წარმატების მისაღწევად ბრძოლა მთელი 40 წუთის მანძილზე მოგვიწია".
რუმინელებთან მატჩი შეაფასა ჩვენი ნაკრების ახალგაზრდა კალათბურთელმა თორნიკე შენგელიამ:
"წინა მატჩში ჰოლანდიაში დამარცხების შემდეგ, ეს იყო ჩვენი გუნდის
წინ კიდევ 3 მატჩი გვაქვს და იმედი მაქვს, ჯგუფიდან გასვლას მოვახერხებთ. ძალიან მნიშვნელოვანია მომდევნო მატჩი ბოსნიასთან".
მლადენ ოსტოიჩი, რუმინეთის ნაკრების მთავარი მწვრთნელი:
"პირველ რიგში, მინდა მივულოცო საქართველოს ნაკრებს გამარჯვება. ჩვენ საქართველოში უკეთესად ვითამაშეთ, ვიდრე აქ.
ქართველებს შესანიშნავი გუნდი ჰყავთ, ბევრი ძალიან კარგი მოთამაშით დაკომპლექტებული. ჩვენ ვცდილობდით, მაქსიმუმი გაგვეკეთებინა, მაგრამ ვერ შევძელით კონცენტრირება შეტევაზე.
დღეს ჩვენი გუნდი 100 პროცენტით დაიხარჯა, მაგრამ თამაშის ბედი დაცვაში თამაშმა გადაწყვიტა".
ანდრეი მაჩადე, რუმინეთის ნაკრების წევრი:
"ძალიან რთული თამაში გამოვიდა. ჩვენს წინააღმდეგ ძალიან გამოცდილი გუნდი თამაშობდა, რომელიც, ჩვენდა სამწუხაროდ, მატჩს კარგად აკონტროლებდა და თქვენ ნახეთ საბოლოოდ შესაბამისი ანგარიში ტაბლოზე.
ჩვენ არასტაბილურად ვითამაშეთ. გვქონდა მომენტებში ძალიან კარგი პასები, მაგრამ ცუდი ეპიზოდები და შეცდომები სჭარბობდა. თანაც, ბოლოს გამძლეობამაც გვიმტყუნა".
gbf.ge
ასევე იხილეთ:
რუმინეთი-საქართველო 74:91 - ერთიც მოვიგოთ და ევროპაა [VIDEO]
