26 თებერვალს ევროპის ჩემპიონატზე საქართველოს ნაკრების ხუთივე მატჩის დაწყების ზუსტი დრო დადგინდა. ახლა კი C ჯგუფის სრულ განრიგს ჩამოგიწერთ.
ისიც გეცოდინებათ, რომ მომდევნო ეტაპზე ექვსიდან სამი ნაკრები გავა.
შესაბამისად, იგორ კოკოშკოვის კრებულს საპასუხისმგებლო მატჩები ელის, ერთმა შეცდომამ ან ერთმა საჯარიმომ შესაძლოა ჯგუფიდან გამსვლელის ბედი გადაწყვიტოს.
ითქვა ისიც, რომ ქართველებმა შესაძლოა, ფავორიტებთან, სლოვენიასა და ესპანეთთან, ძალები გამოიზოგონ, მაგრამ თუ გავითვალისწინებთ, რომ პირველ ეტაპზე მოგროვილი ქულები გუნდებს მეორე ჯგუფურ ეტაპზეც გადაჰყვებათ, ერთ მატჩშიც არ შეიძლება დასვენებაზე ფიქრი.
თავად განსაჯეთ: 2011 წელს ჯგუფში
2013 წლის ევრობასკეტზეც იგივე სისტემაა: C ჯგუფის სამ საუკეთესოს D ჯგუფის (რუსეთი, იტალია, შვედეთი, თურქეთი, საბერძნეთი, ფინეთი) ტრიო შეუერთდება და შედგება 6-გუნდიანი ჯგუფი, საიდანაც მეოთხედფინალში ოთხი მოხვდება.
მოკლედ, სლოვენიაში გასამართი ევროპის ჩემპიონატის ყველა დეტალი ცნობილია. საკითხავია, სად, როდის და როგორ მოემზადება ჩვენი ეროვნული გუნდი ევრობასკეტისთვის.
როგორც კალათბურთის ფედერაციის პრეზიდენტმა ბესიკ ლიპარტელიანმა გვითხრა, მიმდინარეობს მუშაობა როგორც საკონტროლო მატჩებთან, ასევე ლეგიონერთან დაკავშირებით და ახლო მომავალში მოსამზადებელი ეტაპის სრული გეგმა გამოქვეყნდება.
წინა წლებთან შედარებით, საევრობასკეტო შემადგენლობაც ადრე გამოცხადდება.
დღეს მხოლოდ ისაა გარკვეული, რომ ჩვენი ნაკრები საფრანგეთის ქალაქ ანტიბში 16 აგვისტოს სერბეთს დაუპირისპირდება, ხოლო 17-ში - საფრანგეთს.
C ჯგუფი
4 სექტემბერი
16:30 საქართველო-პოლონეთი
19:45 ესპანეთი-ხორვატია
23:00 სლოვენია-ჩეხეთი
5 სექტემბერი
16:30 საქართველო-ხორვატია
19:45 პოლონეთი-ჩეხეთი
23:00 სლოვენია-ესპანეთი
7 სექტემბერი
16:30 ესპანეთი-ჩეხეთი
19:45 ხორვატია-პოლონეთი
23:00 სლოვენია-საქართველო
8 სექტემბერი
16:30 პოლონეთი-ესპანეთი
19:45 საქართველო-ჩეხეთი
23:00 სლოვენია-ხორვატია
9 სექტემბერი
16:30 საქართველო-ესპანეთი
19:45 ხორვატია-ჩეხეთი
23:00 სლოვენია-პოლონეთი
ყოველდღიური სპორტული გაზეთი "ლელო"
