ბოლო ინფორმაციით, მათი გადაბირებით ესპანური კლუბები არიან დაინტერესებულნი. ერთ-ერთი კანარული გაზეთის ცნობით, გრინის დამატებაზე ესპანეთის ჩემპიონატის უმაღლესი ლიგის წარმომადგენელი "გრან კანარია" მუშაობს:
"გამთამაშებლის პოზიციაზე ტორინ გრინის ვარიანტი
ესპანეთის ჩემპიონატში გადასვლა გრინის კარიერაზე ნამდვილად დადებითად აისახება. თუმცა ჯერ საკონტრაქტო საკითხებზე არავინ ლაპარაკობს. დაველოდოთ მოვლენების განვითარებას.
***
ჯერ არაფერი გადაწყვეტილა ქუინტონ ჰოსლისთან დაკავშირებითაც, თუმცა ესპანური გაზეთები უკვე აქტიურად ლაპარაკობენ მისი "ხუვენტუდში" გადასვლის შესახებ. გამოცემა "ენკანჩაში" ვკითხულობთ:
"ხუვენტუდის" მთავარ მწვრთნელთან დაახლოებულმა ჟურნალისტმა ხავი ბალესტეროსმა თავის დღიურში დაწერა, რომ ხუვენტუდელთა ორბიტაზე საინტერესო კალათბურთელი გამოჩნდა - ქუინტონ ჰოსლი. იგი გასულ სეზონში თურქულ "იზმირში" თამაშობდა, მანამდე კი მადრიდის "რეალში" ცდიდა ძალებს. "ტერმინატორმა" (ჰოსლის ასე იცნობენ საკალათბურთო წრეებში) ახლახან საქართველოს პასპორტი მიიღო, რაც ესპანეთში გადასვლას გაუადვილებს. "ხუვენტუდის" მთავარ მწვრთნელს იმედი აქვს, რომ ქუინტონ ჰოსლი სწორედ ის კალათბურთელია, რომელიც მის გუნდს მომავალი საზონისთვის სათანადოდ გააძლიერებს. შეგახსენებთ, რომ გასულ სეზონში "ხუვენტუდი" წარუმატებლად გამოვიდა - მე-11 ადგილი დაიკავა და პლეი ოფში ვერ გავიდა."
