3 თებერვალს, ესპანეთის ქალაქ ბარსელონაში ევროპის 2015 წლის ჩემპიონატის შესარჩევი ეტაპის წილისყრა გაიმართა. საქართველოს ნაკრები, რომელიც მეორე კალათაში იყო განთესილი, შესარჩევ E ჯგუფში ჩეხეთთან, პორტუგალიასა და უნგრეთთან ერთად მოხვდა.
26 გუნდი 7 ჯგუფადაა დაყოფილი (5 ოთხგუნდიანი, 2 სამგუნდიანი), საიდანაც ევრობასკეტი 2015-ის საგზურს პირველადგილოსნები მიიღებენ. მათთან ერთად ფინალურ ეტაპზე გავა ყველა მეორეადგილოსანი, გარდა ერთისა (რომელსაც უარესი მაჩვენებელი აღმოაჩნდება).
2015 წლის ევრობასკეტზე, რომელსაც უკრაინა უმასპინძლებს, ავტომატურად მოხვდებიან მსოფლიოს 2014 წლის ჩემპიონატის მონაწილეები: ესპანეთი, ხორვატია, საფრანგეთი, უკრაინა, სერბეთი, ლიტვა, სლოვენია, თურქეთი, საბერძნეთი, ფინეთი.
A ჯგუფი: ისლანდია, დიდი ბრიტანეთი, ბოსნია და ჰერცოგოვინა
B ჯგუფი: ბულგარეთი, ისრაელი, მონტენეგრო, ჰოლანდია
C ჯგუფი: ავსტრია, პოლონეთი, გერმანია, ლუქსემბურგი
D ჯგუფი: ბელორუსი, მაკედონია, ბელგია, დანია
E ჯგუფი: პორტუგალია, საქართველო, ჩეხეთი, უნგრეთი
F ჯგუფი: სლოვაკეთი, შვედეთი, ლატვია, რუმინეთი
G ჯგუფი: შვეიცარია, რუსეთი, იტალია
