უნგრეთისგან განსხვავებით, ქართველ გუშემატკივარს სლოვაკეთთან კარგი მოგონებები აკავშირებს: 2008-09 წლებში B დივიზიონში ჩვენს ჯგუფში სლოვაკეთი მოხვ
სლავების ნაკრები B დივიზიონშია, ჯგუფში ჩეხეთთან, შვეიცარიასთან და კვიპროსთან ერთადაა. ქვედა ლიგის მატჩები 14 აგვისტოს დაიწყება, ამიტომ სლოვაკები ქართველებზე გვიან შეიკრიბნენ. მათთვის ჩვენთან დაპირისპირება წლის პირველი მატჩი იქნება.
ამ შეხვედრის მნიშვნელობაზე სლოვაკურ გაზეთებს მოუთხრო გუნდის მწვრთნელმა რონ ფრანტიშეკმა, რომელმაც წარუმატებელი სეზონის შემდეგ მან მთავარი მწვრთნელის პოსტზე მილან ჩერნიცკი შეცვალა:
- ორჯერადი ვარჯიშები გვაქვს. სერიოზულად ვემზადებით და მაღალ მიზნებსაც ვისახავთ. პირველ შეხვედრაში საქართველოს ნაკრებს ვხვდებით, რომელსაც ჩვენი გულშემატკივრის წინაშე წარდგენა არ სჭირდება - ძლიერი შემადგენლობა ჰყავს და მასთან პაექრობა ჩვენთვის მეტად სასარგებლო იქნება. სწორედ პირველ შეხვედრაში შევამოწმებთ მოთამაშეთა კონდიციებს, მატჩებისადმი მათ მიდგომას. ჩვენი მინუსები ძლიერ მეტოქესთან უკეთ გამოჩნდება.
სადღეისოდ სლოვაკეთის ნაკრებში 13 კალათბურთელი ვარჯიშობს. სლავებს მოგვიანებით შეუერთდებიან ძმები რანჩიკები. საქართველოს ნაკრების შემადგენლობა გასულ კვირას უკვე გაგაცანით. დღეს სლოვაკების 13-კაციან განაცხადს შემოგთავაზებთ:
უკანახაზელები: ანდრეი ჩერვენკა (დეჩინი, ჩეხეთი), ანტონ გაველი (ბროსე, გერმანია), რომან მარკო (კოლინი, ჩეხეთი), რობერტ ნუბერი (ჰანდლოვა), მაროშ ჟუფა (NჩAA, აშშ).
ფორვარდები: მარეკ კოზლიკი (პეზინოკი), პაველ ლოშონსკი (NჩAA, აშშ), დანიელ ნოვაკი (ნიტრა), ჯასტინ სედლაკი (NჩAA, აშშ).
წინახაზელები: მარტინ მიკლოშიკი (რინკონი, ესპანეთი), პეტერ სედმაკი (ბრნო, ჩეხეთი), გაბრიელ სზალაი (პრევიძი), პეტერ ტერლანდა (ლევიცე).
