ზაზა ფაჩულიას ჰიუსტონში ორმაგ დუბლამდე ერთი მოხსნა დააკლდა [VIDEO]

AutoSharing Option
AUTO PLAY
თბილისის დროით 21 იანვარს გამთენიისას, NBA-ს რეგულარულ ჩემპიონატში მორიგი მატჩი ჩაატარა და ზედიზედ მეექვსე გამარჯვება იზეიმა ზაზა ფაჩულიას გუნდმა "გოლდენ სტეიტმა", რომელმაც სტუმრად დასავლეთ კონფერენციის ერთ-ერთი ფავორიტი "ჰიუსტონ როკეტსი" ანგარიშით 125:108 დაამარცხა.

ქართველმა ცენტრმა, რომელმაც ტრადიციულად, სასტარტო შემადგენლობაში დაიწყო თამაში, სტუმართა გამარჯვებაში სოლიდური წვლილი შეიტანა, ორმაგი დუბლის შესრულებამდე კი მხოლოდ ერთი მოხსნა დააკლდა. ზაზამ მოედანზე გატარებულ 20:26 წუთში 10 ქულა, 9 მოხსნა და 2-2 პასი და ჩაჭრა მიითვალა. მან 5-იდან 3 ორქულიანი და 6-იდან 4 საჯარიმო ჩააგდო.

გამარჯვებულებს კევინ დურანტმა
ულიდერა, რომლის ანგარიშზე 32 ქულა და 7 პასია. 24 ქულა და 7 პასია სტეფ კარის აქტივში.

"გოლდენ სტეიტს" 37 მოგება და 6 მარცხი აქვს, რითაც ლიგის ერთპიროვნული ლიდერია. მომდევნო შეხვედრას კი 22 იანვარს, ორლანდოში "მეჯიქთან" გამართავს.
მკითხველის კომენტარები / 3 /
ზურა-ს ზუსტად "მაგიტომ" როგორ სხვას რომ აძლევს მოხსნის უფლებას?! სხვას რომ უთმობს?! მე ბლოკებზე არ მაქ საუბარი უბრალოდ არ ამ ყველაფრის მერე პირველივე თამაშში ორმაგი დუბლი მშვენიერი იქნებოდა თვალში მოხვდებოდა ჩვენებსაც და პირველ რიგში იქაურ ფანებს!
svan
15:04 21-01-2017
0
ზუსტად მაგიტომ შეინარჩუნა ძირითადი ადგილი ვარსკვლავებს შორის, ყველა ცდილობს ინდივიდუალური ოსტატობის ხარჯზე დააგროვოს ქულები, ზაზა გუნდური თამაშის წყალობით აბალანსებს სიტუაციას.
ზურა
13:48 21-01-2017
0

ასევე დაგაინტერესებთ
სიახლეები პოპულარული