საქართველოს ნაკრების კალათბურთელის, დუდა სანაძის გუნდმა "პრიმორსკამ" სლოვენიის ჩემპიონატში მნიშვნელოვანი მატჩი მოიგო. კოპერული გუნდი სტუმრად "ჰელიოსს" შეხვდა, რომელთანაც ამას წინათ თასის გათამაშებაში წააგო. სანაძის გუნდმა ამჯერად რევანში აიღო - 65:49.სანაძე მატჩში სათადარიგოთა სკამიდან ჩაერთო და მოედანზე მხოლოდ 15:36 წუთი გაატარა, თუმცა, იმისთვის, რომ ორივე გუნდში ყველაზე შედეგიანი გამხდარიყო, ეს დროც ეყო. ქართველმა ლეგიონერმა 6-დან 4 ორქულიანი და 6-ვე საჯარიმო ჩააგდო, 4 სამქულიანი ააცილა და 14 ქულასთან ერთად 3 მოხსნაც მიითვალა.
მატჩის შემდეგ კომენტარი სთხოვეს დუდა სანაძეს, რომელმაც განაცხადა:
"ეს
სლოვენიის ჩემპიონატის პლეი-ოფში აუცილებლად უნდა მოვხვდეთ და ამ მხრივ, ეს მოგება უმნიშვნელოვანესი იყო".
"პრიმორსკამ" 10 მოგება და 8 მარცხი მოაგროვა და სატურნირო ცხრილში მე-6 ადგილზე გადაინაცვლა, შემდეგ ეტაპზე გასასვლელად კი სწორედ მოწინავე ექვსეულში ყოფნაა საჭირო. სანაძის გუნდი მომდევნო მატჩს 24 თებერვალს, შინ, ლაშკოს "ზლატოროგთან" გამართავს.
წყარო: gbf.ge
