თორნიკე შენგელიას "ბასკონიამ" ევროლიგაში უმნიშვნელოვანესი გამარჯვება მოიპოვა.
პლეი ოფის ზონის ზღვართან მყოფმა ვიტორიელებმა სტამბოლში ტურნირის ერთ-ერთი ფავორიტი "ფენერბაჰჩე" 79:74 დაამარცხეს და ცხრილში მე-6 ადგილზე აინაცვლეს.
ქართველი ფორვარდი მატჩში სათადარიგოთა სკამიდან ჩაერთო და 20:38 წუთში 7 ქულა, 6 მოხსნა (3 შეტევაში), 3 პასი, 1 ჩაჭრა და 1 დაფარება მოაგროვა. შენგელიამ 4-დან 1 ორქულიანი, 2-დან 1 სამქულიანი და 2-ვე საჯარიმო ჩააგდო, ბურთი 3-ჯერ დაკარგა, ერთხელ დაუფარეს, 4 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.
სტუმართა რიგებში 19 ქულით საუკეთესო ამერიკელი შეინ ლარკინი იყო, 7 და მეტი ქულა კი ერთბაშად 8 (!) კალათბურთელმა ჩააგდო. "ფენერბაჰჩეს" 26 ქულით სერბმა ბოგდან ბოგდანოვიჩმა ულიდერა.
14 მოგებითა და 11 მარცხით "ბასკონია" მე-6 ადგილზეა. 16-გუნდიანი რეგულარული ჩემპიონატის ბოლოს პლეი ოფში 8 საუკეთესო გავა. მომდევნო მატჩს შენგელიას გუნდი 17 მარტს, შინ, კიდევ ერთ გრანდ მოსკოვის ცსკა-სთან ჩაატარებს.
მომზადებულია gbf.ge-ს მიხედვით
10:41 10-03-2017
თორნიკე შენგელიას 7 ქულა და გამარჯვება "ფენერბაჰჩესთან" ევროლიგაში [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
უძრავი ქონება
107.00 k
150.00 k
სიახლეები
პოპულარული
