ირანის ჩემპიონატში ერთი წარმომადგენელი გვყავს - ლაშა ფარღალავა "ეშტეღლალის" ღირსებას იცავს. გუნდი სპარსეთის პირობებში საშუალო დონისაა. მართალია, ამჟამად 3 მოგებით მე-11 ადგილზეა, მაგრამ სულ რაღაც ორი მოგებით ჩამორჩება მეხუთეადგილოსან "ქავზინს".
"ეშტეღლალს" ბოლო ტურში სატურნირო სიტუაციის გამოსწორება შეეძლო, მაგრამ ბოლო წამებზე "ზამინისთან" 72:74 დათმო.
სათაურში კი დავწერეთ, ფარღალავა ნახევარი გუნდიაო, მაგრამ ამ შეხვედრაში მის ანგარიშზე "ეშტეღლალის" მიერ ჩაგდებული ქულების ნახევარზე მეტი იყო - 42. დროა, ლაშას სრულ მონაგარსაც გავეცნოთ: 37 წუთი, 11-დან 4 ორქულიანი, 12-დან 7 სამიანი, 14-დან 13 საჯარიმო, 5
მის თანაგუნდელთაგან 10 ქულამდე ერთიც ვერ ავიდა.
ირანულ ლიგაში ფარღალავას საშუალო მონაგარი ასეთია: 20.9 ქულა, 5.1 მოხსნა, 2.2 პასი.
ყოველდღიური სპორტული გაზეთი "ლელო"
