წინასწარ გეტყვით, რომ სატურნირო თვალსაზრისით, გუნდს საქმე დალხენილად ნამდვილად არა აქვს, ფარღალავა კი "ეშტეღლალის" ლიდერად გვევლინება.
ლაშას თანაგუნდელებმა ჯერ "გორგანთან" ითამაშეს, შემდეგ "მაჰრამთან". პირველ მატჩში 76:82 დამარცხდნენ, ხოლო მეორეში - 72:79.
* * *
"გორგანის" წინააღმდეგ ფარღალავამ 40 წუთი ითამაშა და მატჩის ბომბარდირიც გახდა - 27 ქულა ჩააგდო.
ქართველმა უკანახაზელმა 7 ორქულიანი, 11 სამიანი სტყორცნა და 4-4 ჩააგდო, რასაც 7 ზუსტი საჯარიმო მიაყოლა. 27 ქულის გარდა, ლაშას ანგარიშზე 2 პასი და
* * *
ჩემპიონატის მთავარ ფავორიტ "მაჰრამთან" ფარღალავამ მატჩი სასტარტო ხუთეულში დაიწყო, თუმცა მხოლოდ 13 წუთი ითამაშა. ექსარმიელს დრო უქმად არ დაუკარგავს: 4-დან 1 სამქულიანი, 1-დან 1 ორიანი ჩააგდო და მატჩი 5 ქულით, 2 მოხსნით, 1 პასითა და ამდენივე ჩაჭრით დაასრულა.
"ეშტეღლალმა" "მაჰრამს" დიდი წინააღმდეგობა რომ გაუწია, მეჰდი მორადნასაბის დამსახურებაა, რომელმაც 22 ქულას მოუყარა თავი.
ლაშა ფარღალავას გუნდს სატურნირო ცხრილში 9 წაგების წილ 3 მოგება უწერია და ბოლოსწინა ადგილზეა, ერთი გამარჯვებით უსწრებს ზემოთ ნახსენებ "გორგანს".
ყოველდღიური სპორტული გაზეთი "ლელო"
