საქართველოს ნაკრების კალათბურთელის მანუჩარ მარკოიშვილის "დარუშაფაკამ" მოსკოვში ცსკა-სთან უშანსოდ - 66:94 წააგო და ევროლიგის ჯგუფიდან რომ გავიდეს, ბოლო ტურში აუცილებლად გამარჯვება სჭირდება. მოსკოვურ მატჩში სტამბოლელებს შანსი არ ჰქონიათ. თუკი პირველ ტაიმში შედარებით თანაბარი ბრძლა იყო, მესამე პერიოდი არმიელებმა 29:7 მოიგეს და შეხვედრას აზრი დაუკარგეს.
მარკოიშვილი სასტარტო ხუთეულში იყო და მოედანზე 14 წუთი გაატარა. მანუჩარმა ერთადერთხელ შეუტია, თუმცა მისი ორქულიანი არმიელთა კალათში არ ჩაეშვა. ქართველი უკანახაზელის ანგარიშზე საბოლოოდ 1 მოხსნა, 1 პასი და 1 ჩაჭრა დაგროვდა - ბურთიც ერთხელ დაკარგა.
4
მომზადებულია gbf.ge-ს მიხედვით
