დუდა სანაძე აქამდეც გამოირჩეოდა სლოვენიის ჩემპიონატში, თუმცა გასულ ტურში ქართველმა ფორვარდმა მართლაც ბრწყინვალე და თვალშისაცემი შედეგი დააფიქსირა. სანაძის "პრიმორსკა" ლიდერ "კრკას" ნოვო მესტოში ესტუმრა და ქართველი უკანახაზელის 27 ქულით დაძაბულ ბრძოლაში - 80:78 დაამარცხა.
სანაძე სასტარტო ხუთეულში არ ყოფილა და მოედანზე არასრული 25 წუთი გაატარა. დუდამ 5-დან 4 ორქულიანი, 10-დან 5 სამიანი და 7-დან 4 საჯარიმო ჩააგდო. 27 ქულასთან ერთად ქართველმა ფორვარდმა 4 მოხსნა (2 შეტევაში), 1 პასი და 1 ჩაჭრა მიითვალა. დუდამ ბურთი 2-ჯერ დაკარგა, 2 ჯარიმა მიიღო, ხოლო
დუდა მატჩის საუკეთესო მოთამაშე გახდა, მის კვალზე კი გამარჯვებულთაგან 11 ქულით ნიკოლა გაიჩი, ხოლო 10 ქულით გეზიმ მორინა გამოირჩნენ. 3 მოგებითა და 1 მარცხით "პრიმოსკა" პირველ ადგილზეა. ეს ერთი მატჩი სანაძის გუნდმა გასულ ტურში, შინ 1 ქულით, "როგასკასთან" წააგო.
მომდევნო მატჩი ზღვისპირელებს 5 ნოემბერს, შინ "ჰოპსი პოლზელასთან" ელით.
მომზადებულია gbf.ge-ს მიხედვით
