Hoops Rumors: ზაზა ფაჩულია შესაძლოა, "ფილადელფიის" ნერლენს ნოელში გაცვალონ

sportsrageous.com წერს, რომ "გოლდენ სტეიტში" იცოდნენ, რომ სეზონს დაცვაში გარკვეული პრობლემებით შეხვდებოდნენ, მაგრამ ამას დაერთო პრობლემები მოხსნებშიც.

NBA-ს ბოლო ჭორების მიხედვით, "უორიორსმა" უნდა სცადოს და გუნდში ნერლენს ნოელი მიიყვანოს "ფილადელფიიდან".

"გოლდენ სტეიტმა" სეზონი ცუდად დაიწყო, "სან ანტონიოსთან" 29 ქულის სხვაობით დამარცხდა. გუნდს მოხსნებშიც უჭირდა პირველ თამაშებში, მიუხედავად დრეიმონდ გრინის, ზაზა ფაჩულიას და დევიდ ვესტის საუკეთესო მცდელობებისა.

საიტის მტკიცებით, თუ "გოლდენ სტეიტი" არ გამოასწორებს თამაშს დაცვაში და მოხსნებს, მას არ ექნება ჩემპიონობის შანსი, მიუხედავად იმისა, რომ სასტარტო ხუთეულის ოთხი წევრი ოლსტარელია.

Hoops Rumors-ის არტურ ჰილი წერს, რომ არის რეალური შესაძლებლობა, "უორიორსმა" "სიქსერზის" ნოელი ჩაიგდოს ხელში. ასოციაციაში გავრცელებული ხმების მიხედვით, ნოელს "ფილადელფია" არ შესთავაზებს ახალბედის კონტრაქტის გაგრძელებას და ის გაცვლილი იქნება ტრეიდის ბოლო ვადამდე ასოციაციაში.

ნოელის ნაცვლად, "ფილადელფია" ზაზა ფაჩულიასა და კევონ ლუნის მიიღებს. არ უნდა დაგვავიწყდეს, რომ ეს მხოლოდ ხმებია, რომელთაც შესაძლოა, არ აქვს რეალური საფუძველი.

აღსანიშნავია, რომ ნოელის "გოლდენ სტეიტში" გადასვლაზე სეზონის დაწყებამდეც წერდნენ, ოღონდ მაშინ ამბობდნენ, რომ გუნდი მას შონ ლივინგსტონში გაცვლიდა.