თორნიკე შენგელიას რეაბილიტაცია გრძელდება. ქართველი ფორვარდი ევროლიგის მორიგი მატჩისას "ბასკონიას" სათადარიგოთა სკამზე გამოჩნდა, თუმცა ის "ბროსე ბამბერგთან" სათამაშოდ მოედანზე არ გასულა. ვიტორიელებმა კი შენგელიას გარეშე პირველი მატჩი მოიგეს. "ბასკონიამ" გერმანული კლუბი 81:74 დაამარცხა და სატურნირო მდგომარეობა გამოიკეთა.
აღსანიშნავია, რომ ესპანური კლუბი პირველი ტაიმის მერე 15 ქულის სხვაობით მარცხდებოდა, თუმცა, შემდეგ მოუმატა, დასკვნით მეოთხედში სტუმრებს 26:11 სძლია და 8 მატჩში მე-5 გამარჯვება იზეიმა.
მასპინძელთაგან 20-20 ქულა ფრანგმა როდრიგო ბობუამ და გერმანელმა იოჰანეს ვოიგტმანმა ჩააგდეს, უნგრელი ადამ ჰანგას აქტივში 16 ქულა იყო,
"ბასკონიამ" ევროლიგაში მე-4 ადგილზე გადაინაცვლა. შენგელიას გუნდი მომდევნო მატჩს 25 ნოემბერს, მოსკოვში, ლიდერ ცსკა-სთან გამართავს.
მომზადებულია gbf.ge-ს მიხედვით
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
