ესპანეთის საკალათბურთო ჩემპიონატში გიორგი შერმადინისა და ბექა ბურჯანაძის "ანდორამ" სარაგოსაში, ამავე სახელწოდების გუნდთან ითამაშა და 74:90 დამარცხდა. შეგახსენებთ, რომ სწორედ "სარაგოსაში" ასპარეზობდა შერმადინი ორი წლის წინათ. ყოფილ კლუბთან მან 24 წუთი ითამაშა, 6 ქულა, 7 მოხსნა და 2 შედეგიანი გადაცემა მოაგროვა. გიორგიმ 6-დან 2 ორქულიანი და 3-დან 2 საჯარიმო ჩააგდო.
ბექა ბურჯანაძე კი "ანდორას" ვიცე-ბომბარდირი გახდა - 14 ქულა. მას 26 წუთი ერგო, 5-დან 3 ორქულიანი, 7-დან 2 სამიანი და
მატჩის სნაიპერი ანდორელი ოლივერ სტევიჩი იყო - 16 ქულა.
12 მატჩის შემდეგ "ანდორას" 7 მოგება აქვს და მე-7 პოზიციაზეა. ერთით მეტი გამარჯვება უწერია თორნიკე შენგელიას "ბასკონიას" და სატურნირო ცხრილში მეხუთეა.
ბასკები ამ ტურში ისვენებდნენ. თორნიკეს მომდევნო მატჩი 21 დეკემბერს ევროლიგაზე ელის - თანამემამულე "ბარსელონას" მიიღებს. ხოლო "ანდორა" ესპანეთის ჩემპიონატში 27 დეკემბერს "უნიკახას" უმასპინძლებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
