"ფინიქს სანსის" ცენტრი მარცინ გორტატი პოლონეთის ნაკრებს დაუბრუნდა და ბელგიური ტურნირი მოაგებინა.პირველ მატჩში "არწივების" მეტოქე ისრაელი იყო. მაცეი ლამპეს (18 ქულა) წინამძღოლობით პოლონეთმა 75:72 გაიმარჯვა.
მეორე შეხვედრაში საქართველოს ნაკრების მომავალმა მეტოქეებმა ბელგიას სძლიეს - 66:52. შეხვედრის ბომბარდირი, 20 ქულით გორტატი გახდა.
გადამწყვეტი იტალიასთან დაპირისპირება გამოდგა, რომელიც პოლონელთა ტრიუმფით დასრულდა (82:79) და ანტვერპენის ტურნირზეც პირველი ადგილი დაიკავეს.
ამჯერად გორტატმა და ლამპემ ქულები მეგობრულად გაინაწილეს - 17-17.
ყოველდღიური სპორტული გაზეთი "ლელო"
