ეროვნული საკალათბურთო ასოციაციის ყოფილი ვარსკვლავი გილბერტ არენასი ოჯახთან ერთად ეწვია ორინჯის ოლქში ყოველწლიურ ბაზრობას, სადაც მცირე გაუგებრობაში მოხვდა.კალათბურთელმა გადაწყვიტა, მონაწილეობა მიეღო სხვადასხვა საკალათბურთო კონკურსში და ბაზრობის ორგანიზატორები იძულებულნი იყვნენ, თვალი ედევნებინათ იმისთვის, თუ როგორ იგებდა არენასი უამრავ პრიზს. საბოლოოდ, ყოფილ პროფესიონალს აუკრძალეს კონკურსებში მონაწილეობის მიღება, როცა მოგებული პრიზების რაოდენობამ დაწესებულ ლიმიტს გადააჭარბა.
პრიზების დიდი ნაწილი რბილი სათამაშოები იყო, რომლებიც "ყველა ვარსკვლავის მატჩის" სამგზის მონაწილემ თავის შვილებს გადასცა.
ყოველდღიური სპორტული გაზეთი "ლელო"
